27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
«Միանում եմ Հայաստանյայց Առաքելական Սուրբ Եկեղեցու բարեկարգման հայտարարությանը»․ Տեր Մաշտոց քահանա Ստեփանյան
Քաղաքականություն
09.01.2026 | 16:20
Տեր Մաշտոց քահանա Ստեփանյանը գրառմամբ տեղեկացրել է, որ միանում է Հայաստանյայց Առաքելական Սուրբ Եկեղեցու բարեկարգման հայտարարությանը։
«Ես` Տեր Մաշտոց քհն Ստեփանյանս ողջունում եմ ՀՀ վարչապետի և տասը եպիսկոպոսների ընդունած`Հայաստանյայց Առաքելական Սուրբ Եկեղեցու բարեկարգման հայտարարությունը, աջակցում և միանում եմ Բարենորոգման հայտարարությանը»,- գրել է քահանան։
Հիշեցնենք, որ օրեր առաջ ՀՀ վարչապետ Նիկոլ Փաշինյանը ֆեյսբուքյան իր էջում հայտարարություն էր հրապարակել՝ Հայաստանյայց Առաքելական Սուրբ եկեղեցու բարենորոգման վերաբերյալ:
Նույն օրը հայտարարությանը միացել էր նաև Շվեյցարիայի հայոց թեմի առաջնորդական տեղապահ Տեր Գուսան Ալճանյանը։
Իսկ այսօր առավոտյան ՀՀ վարչապետը տեսանյութ էր հրապարակել՝ հայտնելով, որ առաջիկա և հետագա բոլոր կիրակիներին կմասնակցի պատարագի, սակայն նախապես չի ասի, թե որտեղ։ Վարչապետն իր տեսանյութում կոչով դիմել էր բարեկարգման կողմնակիցներին, որպեսզի նրանք քահանաներին համոզեն՝ «Սուրբ և անմահ պատարագի ընթացքում չհիշատակեն Կտրիճ Ներսիսյանի անունը»։
«Սա, կարծում եմ, բարենորոգման կողմնակիցների առաջիկա ամենակարևոր անելիքը պետք է լինի։ Կրկին, ընդգծում եմ, քրիստոնեական սիրով, հանդուրժողականությամբ, քրիստոնեական համոզչականության ուժը օգտագործելով»,- նշել է ՀՀ վարչապետը։
