27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Կարեն Շաքարյանին զրկել են Արցախի հերոսի կոչումից․ նա մասնակցել էր Փաշինյանի կազմակերպած ուխտերթին
Հասարակություն
09.01.2026 | 15:34
«Արցախի տեղեկատվական շտաբ» ֆեյսբուքյան էջում այսօր հաղորդագրություն է տարածվել այն մասին, որ
պետական պարգևից զրկվել է Կարեն Շահենի Շաքարյանը:
«Ղեկավարվելով «Արցախի Հանրապետության պետական պարգևների և պատվավոր կոչումների մասին» օրենքի 40-րդ հոդվածի 4-րդ մասով և հիմք ընդունելով Արցախի Հանրապետության Նախագահին առընթեր պետական պարգևների և պատվավոր կոչումների շնորհման հարցերի քննարկման խորհրդակցական հանձնաժողովի եզրակացությունը՝ որոշում եմ.
1. Կարեն Շահենի Շաքարյանին զրկել «Արցախի հերոս» բարձրագույն կոչումից:
2. Սույն հրամանագիրն ուժի մեջ է մտնում ստորագրման պահից:
ԱՐՑԱԽԻ ՀԱՆՐԱՊԵՏՈՒԹՅԱՆ
ՆԱԽԱԳԱՀԻ ՊԱՇՏՈՆԱԿԱՏԱՐ
Ա. ԴԱՆԻԵԼՅԱՆ
2026թ․ հունվարի 9
ՆՀ-1-Ա» ,- ասված է հաղորդագրության մեջ։
Թե որն է կոչումից զրկելու պատճառը, հաղորդագրության մեջ չի նշվում, սակայն հայտնի է, որ Շաքարյանը հունվարի 6-ին մասնակցել էր վարչապետ Նիկոլ Փաշինյանի կազմակերպած ուխտերթին։
