18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Turkish Airlines-ը չեղարկում է Ստամբուլ-Թեհրան չվերթները՝ սպասվող բողոքի ցույցերի պատճառով
Քաղաքականություն
09.01.2026 | 14:52
Ստամբուլի օդանավակայանի տեղեկատվության համաձայն՝ չեղարկվել են Turkish Airlines ավիաընկերության հինգ չվերթներ, որոնք ուրբաթ պետք է Ստամբուլից Թեհրան թռչեին, գրում է Turkiye today-ը։
Օդանավակայանի բջջային հավելվածը նաև ցույց է տվել, որ իրանական ավիաընկերությունների կողմից Թեհրան ուղղվող հինգ չվերթներ չեղարկվել են, մինչդեռ մյուս յոթի ժամանակացույցը չի փոխվել։ Թուրքական իշխանությունները որևէ պաշտոնական մեկնաբանություն չեն արել չվերթների խափանումների վերաբերյալ։
Չեղարկումները տեղի են ունենում Իրանում կենսամակարդակի բարձրացման դեմ լայնածավալ բողոքի ցույցերի ֆոնին, որոնք մարտահրավեր են նետել երկրի գերագույն հոգևոր առաջնորդ Ալի Խամենեիի գլխավորած իշխանություններին։
Նորվեգիայում գործող Iran Human Rights ոչ կառավարական կազմակերպությունը հայտնել է, որ ցույցերի սկսվելուց ի վեր սպանվել է առնվազն 45 ցուցարար, այդ թվում՝ ութ անչափահաս։
Flightradar24 թռիչքների հետևման կայքն էլ հայտնել է, որ Շիրազ ուղևորվող Turkish Airlines-ի և Մաշհադ ուղևորվող Pegasus Airlines-ի ինքնաթիռները հինգշաբթի ուշ երեկոյան Իրանի օդային տարածք մտնելուց հետո հետ են վերադարձել։
Թուրքիան Իրանի հետ ունի մոտ 500 կիլոմետր երկարությամբ սահման և երկու երկրների միջև ունի երեք ակտիվ ցամաքային անցակետ։
Թարգմանությունը՝ Էմմա Չոբանյանի
