Քաղաքականություն
07.11.2018 | 15:42
Բնապահպանության նախարարի պաշտոնակատար Էրիկ Գրիգորյանն ընդունել է Հայաստանում Շվեդիայի Թագավորության նորանշանակ արտակարգ և լիազոր դեսպան Ուրլիկ Տիդեստրյոմին և դեսպանատան գործերի ժամանակավոր հավատարմատար Մարտին Ֆրեդրիկսոնին
Ինչպես տեղեկացրին ՀՀ բնապահպանության նախարարության տեղեկատվության և հասարակայնության հետ կապերի վարչությունից, Էրիկ Գրիգորյանը շնորհավորել է Ուրլիկ Տիդեստրյոմին Հայաստանում դեսպանի առաքելության ստանձնման կապակցությամբ և համոզմունք հայտնել, որ ոլորտում երկու երկրների համագործակցությունն առաջիկայում էլ ավելի կընդլայնվի ու կխորանա։
Դեսպանը շեշտել է, որ պաշտոնը ստանձնելուց հետո գերատեսչությունների հետ հանդիպումները սկսել է Բնապահպանության նախարարությունից՝ կարևորելով բնապահպանական հարցերի շուրջ փոխգործակցությունը։
Հանդիպման ժամանակ անդրադարձ է եղել համամարդկային բնապահպանական հիմնախնդիրներին, մասնավորապես կլիմայի փոփոխության և մեկանգամյա օգտագործման պլաստիկի հարցերին, որոնց լուծմանն ուղղված միջազգային գործընթացներին ակտիվորեն ներգրավված է նաև Հայաստանը։ Դեսպանի խնդրանքով նախարար Էրիկ Գրիգորյանը ներկայացրել է ոլորտում վարվող քաղաքականությունը, նախաձեռնած բարեփոխումների հիմնական ուղղությունները և թիրախները։ Բնապահպանության նախարարի պաշտոնակատարն ընդգծել է անտառների և կոշտ թափոնների կառավարման ոլորտներում Շվեդիայի հարուստ փորձը և կարևորել Հայաստանում դրա ներդնմանն ուղղված գործնական քայլերը։
Ուրլիկ Տիդեստրյոմը շնորհակալություն է հայտնել ընդունելության համար և հաստատել իր երկրի պատրաստակամությունը՝ աջակցելու բնապահպանության ոլորտում Հայաստանի նախաձեռնած բարեփոխումներին։
