10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Բոյկոտի դրսևորում եղավ. Փաշինյանը` Ադրբեջանից ներկրված բենզինի վաճառքի մասին․ ՏԵՍԱՆՅՈՒԹ
Տնտեսություն
08.01.2026 | 14:19
«Փոխվարչապետների հանդիպման ժամանակ Ադրբեջանի փոխվարչապետը արտահայտել է Ադրբեջանի պատրաստակամությունը՝ վաճառել նավթամթերք»,- այս մասին լրագրողների հետ ճեպազրույցի ժամանակ պատասխանելով Factor TV-ի հարցին՝ նշել է վարչապետ Նիկոլ Փաշինյանը։
«Մենք ասել ենք, որ կա այդպիսի հնարավորություն։ Երկու կողմերի ընկերությունները, եթե չեմ սխալվում, Հայաստանի կողմից երկու ընկերություն կապ են հաստատել։ Իմիջիայլոց ասեմ, բոյկոտի դրսևորումն առաջին խմբաքանակի ներկրման ժամանակ եղավ, որովհետև եղան ցանցեր, ովքեր հրաժարվեցին վաճառել այդ բենզինը, ինչը նշանակում է, որ մեր նախնական մտահոգությունը և մտավախությունը ճիշտ էր։ Եվ հիմա մեկ, երկու, երեք, չորս, հինգ, ես կարծում եմ, որ բոլորի համար հասկանալի կլինի, որ այդ շուկան և հնարավորությունը բաց է բոլորի համար, և ով ուզենա, կարող է դրանից օգտվել։ Որևէ ուրիշ, այլ սահմանափակում չկա։ Հիմա, անկեղծ ասած, այդպիսի պրոցեսներ կան, որ Հայաստանը և Ադրբեջանը պոտենցիալ ապրանքների ցանկեր են փոխանակում, թե ինչ ձեռք բերելու, վաճառելու և գնելու հարցում են հետաքրքրված, պրոցես գնում է։ Երբ որ նորություններ կլինեն, կիմանաք։ Այսինքն, կա քննարկում։
Ես գիտեմ, որ նախնական ապրանքախմբերի ցանկեր են փոխանցվել, փոխանակվել, դեռևս ուսումնասիրության պրոցես է գնում»,- ասաց նա։
Մանրամասները՝ տեսանյութում։
