03.04.2026 | 11:24
«Մի տնից 3 ցուցակ եք բերել, 57 հոգի մարդ ա, էսի իմ ու քո մեջ»․ ընտրակաշառքի գործով 62 անձ է ձերբակալվել․ ՏԵՍԱՆՅՈՒԹ
Սուրեն Պապիկյանը՝ «Իմ քայլը» դաշինքի նախընտրական շտաբը ղեկավարելու մասին
Քաղաքականություն
07.11.2018 | 15:05
Արտահերթ խորհրդարանական ընտրություններին մնացել է մեկ ամսից էլ քիչ ժամանակ:
Այս փուլում քաղաքական ուժերը հստակեցնում են իրենց՝ ընտրություններին մասնակցել-չմասնակցելու հարցը, կազմում նախընտրական ցուցակներ և այլն: Մամուլում արդեն անուններ են շրջանառվում, թե որ կուսակցության ցուցակն ով է գլխավորելու, ովքեր են առաջադրվելու ռեյտինգային ընտրակարգով և այլն:
Իսկ այսօր արդեն մամուլը գրեց, որ «Իմ քայլը» դաշինքի նախընտրական շտաբը կգլխավորի Տարածքային կառավարման և զարգացման նախարար, ՔՊ վարչության անդամ Սուրեն Պապիկյանը:
Լուրը Factor.am-ը փորձեց ճշտել նախարարի պաշտոնակատարից, որը ի պատասխան մեր հարցին՝ ինքն է գլխավորելու նախընտրական շտաբը, պատասխանեց. «Դեռ որոշում չունենք, հենց լինի՝ կտեղեկանաք»:
Նշենք, որ նոյեմբերի 5-ին վարչապետի պաշտոնակատար Նիկոլ Փաշինյանի որոշմամբ՝ Սուրեն Պապիկյանին տրամադրվել է չվճարվող արձակուրդ՝ 2018 թվականի նոյեմբերի 6-9-ը ներառյալ և 2018-2019 թվականների աշխատանքային տարվա ամենամյա նվազագույն արձակուրդը՝ 2018 թվականի նոյեմբերի 12-ից մինչև դեկտեմբերի 7-ը ներառյալ:
Սուրեն Պապիկյանի արձակուրդում գտնվելու ընթացքում Տարածքային կառավարման և զարգացման նախարարին կփոխարինի նախարարի առաջին տեղակալ Վաչե Տերտերյանը:
