04.04.2026 | 20:03
ՃՏՊ՝ հրդեհի բռնկմամբ
Արցախի Ջրականի և Վարանդայի շրջաններում հրդեհներ են բռնկվել. ՏԵՍԱՆՅՈՒԹ
08.01.2026 | 14:41
Արցախի շրջաններում կրկին հրդեհներ են։ Ադրբեջանական լրատվամիջոցների հաղորդմամբ՝ հրդեհներ են բռնկվել Վարանդայի և Ջրականի շրջաններում։ Նշվում է, որ թփուտների տարածքում բռնկված հրդեհը քամու պատճառով տարածվել է։
Դեպքի վայր են ուղարկվել Արտակարգ իրավիճակների նախարարության հրշեջ խմբեր։ Հրդեհաշիջման աշխատանքները շարունակվում են։
Ադրբեջանի ԱԻՆ-ը հայտնում է, որ նախարարության 112 թեժ գծին ահազանգ է ստացվել Ջաբրայիլի շրջանի Չոջուք Մարջանլի գյուղի, Հորադիզ քաղաքի, Ախմեդալիլար գյուղի և Ֆիզուլիի շրջանի Ղազախլար և Միրզանագըլի գյուղերի ուղղությամբ հրդեհի մասին։Անմիջապես տարածք են ուղարկվել ԱԻՆ Պետական հրշեջ ծառայության ուժերը։
Հաղորդվում է, որ ոստիկանության աշխատակիցները ձերբակալել են Չոջուք Մարջանլի գյուղում հրդեհ առաջացնելու մեջ կասկածվող տղամարդու։ ՆԳՆ տարածաշրջանային մամուլի ծառայության տվյալներով՝ հետաքննությունը պարզել է, որ հրդեհը բռնկվել է 1960 թվականին ծնված Ֆ.Աբբասովի գործողությունների հետևանքով։
Թարգմանությունը՝ Էմմա Չոբանյանի
