18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Արման Ավանեսյանը հավակնում է տարվա լավագույն մարզիկի կոչմանը
08.01.2026 | 11:27
Հայ սամբիստ Արման Ավանեսյանը Համաշխարհային խաղերի միջազգային ասոցիացիայի (IWGA) վարկածով ընդգրկվել է տարվա լավագույն մարզիկների թվում և հավակնում է The World Games Athlete of the Year 2025 մրցանակին։
2025 թվականին Արման Ավանեսյանը դարձել էր մարտական սամբոյի Եվրոպայի չեմպիոն, հաղթել էր Չինաստանում անցկացված Համաշխարհային խաղերում, իսկ Աշխարհի առաջնությունում արժանացել էր բրոնզե մեդալի։
«Ես հաղթեցի Եվրոպայի առաջնությունում, Աշխարհի խաղերում… և ամենակարևորը՝ ծնվեց իմ որդին։ Սա իսկապես հաղթանակների տարի էր»,- Արման Ավանեսյանի խոսքը մեջբերում է Սամբոյի միջազգային ֆեդերացիայի մամուլի ծառայությունը։
The World Games Athlete of the Year 2025 մրցանակին հավակնում է 30 մարզիկ։ Արման Ավանեսյանը սամբոյի միակ ներկայացուցիչն է։ Քվեարկությունն անցկացվում է IWGA-ի պաշտոնական կայքում։
