30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
ԱՄՆ-ը դուրս է գալիս միջազգային 66 կազմակերպությունից
Քաղաքականություն
08.01.2026 | 11:06
ԱՄՆ նախագահ Դոնալդ Թրամփը ստորագրել է հուշագիր, որի համաձայն՝ դադարեցվում է Միացյալ Նահանգների անդամակցությունը միջազգային 66 կազմակերպություններին: Տեղեկությունը հրապարակվել է Սպիտակ տան X-ի միկրոբլոգում, գրում է DW-ի ռուսական ծառայությունը:
Նշվում է, որ այն կազմակերպություններից, որոնցից ԱՄՆ-ը դուրս է գալիս, 31-ը գործում են ՄԱԿ-ի հովանու ներքո, իսկ 35-ը՝ դրանից դուրս: Դրանք «այլևս չեն սպասարկում ԱՄՆ-ի ազգային շահերը», նշվում է Սպիտակ տան հրապարակման մեջ։
Այս կազմակերպությունների ամբողջական ցանկը հասանելի է Սպիտակ տան կայքում: Այնտեղ, ի թիվս այլոց, ներառված են Ուկրաինայի գիտատեխնոլոգիական կենտրոնը, որը ստեղծվել է զանգվածային ոչնչացման զենքի չտարածումը խթանելու համար, Վենետիկի հանձնաժողովը, ՄԱԿ-ի գլխավոր քարտուղարի երեխաների նկատմամբ բռնության հարցերով հատուկ ներկայացուցչի գրասենյակը, ՄԱԿ-ի ժողովրդավարության հիմնադրամը և այլն։
ԱՄՆ պետքարտուղար Մարկո Ռուբիոն այս հարցի վերաբերյալ հայտարարության մեջ նշել է, որ Դոնալդ Թրամփի վարչակազմը այն կազմակերպությունները, որոնց անդամակցությունը դադարեցնում է երկիրը, համարել է «ծախսատար, անարդյունավետ, վնասակար», «վատ կառավարվող», «ավելորդ» կամ «մեր ազգային ինքնիշխանությանը, ազատություններին և համատեղ բարգավաճմանը սպառնալիք ներկայացնող»։
ՄԱԿ-ի կառույցների պարագայում ԱՄՆ-ի դուրս գալը նշանակում է դադարեցնել մասնակցությունը կամ ֆինանսավորումն այդ կառույցներին։
Թարգմանությունը՝ Էմմա Չոբանյանի
