13.08.2026 | 21:15
«Ավելի լավ է չիմանամ՝ տունս ինչ վիճակում է»․ արցախցիները Բաքվից փոխհատուցում են պահանջում. ՏԵՍԱՆՅՈՒԹ
Արմավիրի մարզպետի խորհրդականի կինը սպանության պահին գտնվել է աֆեկտի վիճակում. փաստաբան
Հասարակություն
07.11.2018 | 13:23
Արմավիրի մարզպետի խորհրդական Մանուկ Սիմոնյանի սպանության մեջ կասկածվող Ռուզաննա Մկրտչյանը՝ զոհի կինը, սպանության պահին եղել է աֆեկտի վիճակում։ Այս մասին Factor.am-ին ասաց Մկրտչյանի պաշտպան Նաիրա Պետրոսյանը։
Ռուզաննա Մկրտչյանը նախաքննության փուլում մեղսունակ էր ճանաչվել: Դրանից հետո, պաշտպանի միջնորդությամբ, կրկնակի դատահոգեբանական փորձաքննություն էր նշանակվել, որի արդյունքներն արդեն ստացվել են: Թե փորձաքննության այս արդյունքն ի՞նչ ընթացք կարող է տալ գործին, փաստաբանը չասաց՝ նշելով, որ գործի շահերից ելնելով՝ այս պահին մանրամասնել չի կարող։
Հիշեցնենք, որ 2017 թվականի հուլիսի 25-ին ժամը 23.30-ի սահմաններում Արմավիրի մարզի Մյասնիկյան-Դալարիկ ճանապարհի 3-րդ կմ-ից դեպի աջ ընկած՝ շուրջ 300 մետր հեռավորությամբ գտնվող «Դալարիկի ձոր» կոչվող տարածքում հայտնաբերվել էր 1965 թվականին ծնված Մանուկ Սիմոնյանի դին՝ փաթաթված և կապկպված: Հարուցված քրեական գործով մեղադրանք առաջադրվեց նրա կնոջը՝ Ռուզաննա Մկրտչյանին: Նա կալանավորված է։
