20.02.2026 | 23:28
ԱՄՆ-ն էլ է պահանջում, որ Ուկրաինան հանձնի ամբողջ Դոնբասը․ Զելենսկի
Գրենլանդիան չի հաջողվի գրավել մեկ գիշերվա ընթացքում․ վարչապետ Նիլսեն
Քաղաքականություն
06.01.2026 | 15:55
Գրենլանդիան ձգտում է ամրապնդել կապերը Միացյալ Նահանգների հետ, և նրա բնակիչները չպետք է վախենան Միացյալ Նահանգների կողմից անխուսափելի հարձակումից, երկուշաբթի օրը հայտարարել է վարչապետ Յենս-Ֆրեդերիկ Նիլսենը, այն բանից հետո, երբ ԱՄՆ նախագահ Դոնալդ Թրամփը կրկին հետաքրքրություն է հայտնել կղզու նկատմամբ․ գրում է Reuters-ը։
«Մենք չենք գտնվում այնպիսի իրավիճակում, որ մտածենք՝ մեր երկիրը մեկ գիշերվա ընթացքում գրավելը հնարավոր է», – ասել է Նիլսենը մայրաքաղաք Նուուկում կայացած մամուլի ասուլիսի ընթացքում։
Վարչապետի խոսքով՝ Գրենլանդիան չի կարելի համեմատել Վենեսուելայի հետ. «Մենք ժողովրդավարական երկիր ենք»։
Հիշեցնենք, որ հունվարի 3-ին ԱՄՆ ուժերը «լայնածավալ հարված» էին հասցրել Կարակասին ու գերեվարել երկրի նախագահին ու նրա կնոջը։
Գրենլանդիան աշխարհի ամենամեծ կղզին է՝ մոտավորապես 57,000 բնակչությամբ։ Նախկին դանիական գաղութ լինելով՝ այն մնում է թագավորության մաս, և Կոպենհագենը շարունակում է վերահսկել նրա արտաքին քաղաքականությունն ու անվտանգությունը։
2025 թվականի հունվարին Սպիտակ տուն վերադառնալուց ի վեր Թրամփը բազմիցս հայտարարել է Գրենլանդիան Միացյալ Նահանգներին միացնելու իր մտադրության մասին: Նախօրեին Վենեսուելայում ամերիկյան գործողության ֆոնին, Թրամփը The Atlantic-ին տված հարցազրույցում ասել էր, որ կղզին «շրջապատված է ռուսական և չինական նավերով» և խիստ կարևոր է Միացյալ Նահանգների պաշտպանության համար։
ԱՄՆ գործողությունները Վենեսուելայում մտահոգություններ են առաջացրել եվրոպացի առաջնորդների շրջանում, որ դանիական ինքնավար տարածքը կարող է նմանատիպ սցենարի բախվել: «Գրենլանդիայի ապագան պետք է որոշեն Գրենլանդիան և Դանիայի Թագավորությունը, և ուրիշ ոչ ոք», – ասել է Մեծ Բրիտանիայի վարչապետ Քիր Սթարմերը: Գերմանիայի արտաքին գործերի նախարար Յոհան Վադեֆուլը առաջարկել է, որ ՆԱՏՕ-ն քննարկի կղզու պաշտպանության ամրապնդման հարցը:
Թարգմանությունը՝ Անահիտ Խաչատրյանի
