19.05.2026 | 21:50
Հրդեհի ահազանգ Մասիս քաղաքում․ ըստ նախնական տվյալների՝ կան երկու զոհ և երկու տուժած
NYT․ Թրամփը առաջարկել էր Մադուրոյին կամավոր հեռանալ պաշտոնից
Քաղաքականություն
04.01.2026 | 19:11
The New York Times-ի տվյալներով՝ 2025 թ․ դեկտեմբերին Դոնալդ Թրամփը առաջարկել էր Նիկոլաս Մադուրոյին կամավոր հեռանալ պաշտոնից և մեկնել Թուրքիա։ Պարբերականի աղբյուրները նաև հայտնել են, որ ներխուժումից մեկ շաբաթ առաջ ամերիկացի պաշտոնյաները որոշել էին, թե ով կարող է ընդունելի փոխարինող լինել Մադուրոյին․ դա Վենեսուելայի փոխնախագահ Դելսի Ռոդրիգեսն էր։ Թերթի տեղեկություններով՝ միջնորդները համոզել էին ԱՄՆ վարչակազմին, որ Ռոդրիգեսը կպաշտպանի և կաջակցի երկրի էներգետիկ ոլորտում ԱՄՆ-ի ապագա ներդրումներին։
Թերթը հիշեցրել է, որ այս շաբաթ Վենեսուելայի նախագահը պետական հեռուստատեսությամբ ելույթ էր ունեցել՝ պարելով էլեկտրոնային երաժշտության ներքո, մինչ նրա ձայնագրած ձայնը անգլերեն կրկնում էր «Ոչ մի խելահեղ պատերազմ»։ Վենեսուելայի առաջնորդի նմանատիպ պարբերական պարերը և ԱՄՆ սպառնալիքներին անտարբեր վերաբերմունքը համոզել էին Թրամփի թիմի որոշ անդամների, որ Մադուրոն ծաղրում է նրանց և ԱՄՆ հայտարարությունները համարում է բլեֆ։ Այս ֆոնին, ինչպես նշում է NYT-ը, ԱՄՆ-ը որոշել է իրականացնել իր ռազմական սպառնալիքները։
Ներպուժումից և Մադուրոյի ձերբակալությունից մեկ շաբաթ առաջ ամերիկացի պաշտոնյաները որոշել էին, որ նրան փոխարինողը երկրի փոխնախագահ Դելսի Ռոդրիգեսը պետք է լինի։ Թերթի տվյալներով՝ նա տպավորել էր Թրամփի վարչակազմի ներկայացուցիչներին՝ երկրի նավթարդյունաբերության ղեկավարումով։
