06.10.2026 | 12:37
TRIPP-ի զարգացմանը զուգահեռ սպասվում է Հայաստան–Թուրքիա սահմանի բացում․ Փաշինյան
Վենեսուելայի մայրաքաղաք Կարակասում պայթյուններ են որոտացել
Քաղաքականություն
03.01.2026 | 11:37
Վենեսուելայի մայրաքաղաք Կարակասում պայթյուններ են որոտացել, հաղորդում է Reuters-ը՝ հղում անելով ականատեսներին։ Քաղաքի հարավային հատվածում, որտեղ գտնվում է խոշոր ռազմական բազա, էլեկտրաէներգիայի մատակարարումն անջատվել է։
Associated Press-ի տվյալներով՝ քաղաքում լսվել է առնվազն յոթ պայթյուն։
Bloomberg-ը հաղորդում է, որ Կարակասի բնակիչները ևս հայտնում են պայթյունների մասին։ Նշվում է նաև, որ քաղաքի մի քանի հատվածներում լսվել են կրակոցներ։
Սոցիալական ցանցերում տարածվում են տեսանյութեր, որոնցում, իբր, երևում են Վենեսուելայի մայրաքաղաքի վրա ամերիկյան թռչող ուղղաթիռներ։ Այս տեղեկատվությունը, սակայն, չի հաստատվել։
Հիշեցնենք, որ ԱՄՆ նախագահ Դոնալդ Թրամփը բազմիցս խոստացել էր ցամաքային գործողություններ սկսել Վենեսուելայում։ Թրամփը հայտարարել էր, որ «խելացի» կլինի, որ Մադուրոն հեռանա իշխանությունից։
ԱՄՆ-ը ռազմական ուժեր է կուտակել տարածաշրջանում, այդ թվում՝ ավիակիրներ, ռազմանավեր և կործանիչներ, որոնք տեղակայված են Կարիբյան ավազանում։
Թրամփը նաև հայտարարել էր Վենեսուելայի նավթի «շրջափակման» մասին, ընդլայնել էր պատժամիջոցները և երկու տասնյակից ավելի հարվածներ էր հասցրել լցանավերին, որոնք, ըստ ԱՄՆ-ի պնդման, ներգրավված են եղել Խաղաղ օվկիանոսում և Կարիբյան ծովում թմրանյութերի ապօրինի շրջանառության մեջ։
Թարգմանությունը՝ Անահիտ Խաչատրյանի
