ՌԴ-ն ԱՄՆ-ին է փոխանցել Պուտինի նստավայրի ուղղությամբ թռչող ԱԹՍ-ի տվյալները

Ռուսաստանը ԱՄՆ դեսպանատան պաշտպանության կցորդի գրասենյակի ներկայացուցչին է փոխանցել վերծանված երթուղային տվյալները և ուկրաինական անօդաչու սարքերից մեկի կառավարիչը, որը, ըստ Ռուսաստանի պնդումների, մասնակցել է Վլադիմիր Պուտինի Վալդայում գտնվող նստավայրի վրա հարձակմանը։

Այս մասին հայտարարել է Ռուսաստանի պաշտպանության նախարարությունը, գրում է DW-ի ռուսական ծառայությունը։

Գերատեսչությունը նաև հրապարակել է Ռուսաստանի գլխավոր շտաբի հետախուզության գլխավոր վարչության պետ, ծովակալ Իգոր Կոստյուկովի և ԱՄՆ ռազմական կցորդի ներկայացուցչի հանդիպման տեսանյութը։

«Ես ձեզ հրավիրել եմ կարևոր հարցի շուրջ։ Ցանկանում ենք տեղեկացնել ձեզ` մենք գտել ենք այս հարձակումն իրականացրած անօդաչու թռչող սարքերի բեկորները։ Այս անօդաչու թռչող սարքերից մի քանիսի նավիգացիոն համակարգերը լավ պահպանված են և տեխնիկապես ամուր», – ասել է Կոստյուկովը։

Նրա խոսքով՝ վերահսկիչը և ռուսական կողմից արված կազմված վերահսկիչի նկարագրությունը փոխանցվում են Միացյալ Նահանգներին`«բոլոր հարցերը վերացնելու» և «ճշմարտության հաստատումը հեշտացնելու» նպատակով։

Կենտրոնական հետախուզական գործակալությունը (ԿՀՎ) և ԱՄՆ Ազգային անվտանգության գործակալությունը եզրակացրել են, որ Ուկրաինան չի փորձել հարձակվել Պուտինի նստավայրի վրա, հայտնում են The Wall Street Journal-ի (WSJ) և CNN-ի աղբյուրները։

CNN-ի փոխանցմամբ` ԿՀՎ տնօրեն Ջոն Ռեթկլիֆը դեկտեմբերի 31-ին ԱՄՆ նախագահ Դոնալդ Թրամփին տեղեկացրել է այս արդյունքների մասին։

Նույն օրը Թրամփը իր Truth Social սոցիալական ցանցում հրապարակել է New York Post-ի հոդվածի հղումը, որը Ռուսաստանի իշխանությունների կողմից Պուտինի նստավայրի վրա հարձակման մասին տարածված տեղեկատվությունը կապում էր այն փաստի հետ, որ «հենց Ռուսաստանն է խոչընդոտում խաղաղությանը»։

Թարգմանությունը`Էմմա Չոբանյանի