31.12.2025 | 00:45
Արման Ծառուկյանի ու Շառա Բուլետի երևանյան մենամարտում հաղթող չեղավ. ՏԵՍԱՆՅՈՒԹ
Քննարկվել են հունվարի 1-ից ուժի մեջ մտնող պահնորդական գործունեության նոր կարգավորումները
Հասարակություն
30.12.2025 | 22:38
ՆԳ նախարարի տեղակալ Արմեն Մկրտչյանը դեկտեմբերի 30-ին հանդիպել է մասնավոր պահնորդական գործունեություն իրականացնող կազմակերպությունների ներկայացուցիչներին։ Քննարկվել են հունվարի 1-ից ուժի մեջ մտնող օրենսդրական կարգավորումները, որոնց համաձայն մի շարք օբյեկտների պահպանությունը Ոստիկանությունից փոխանցվում է մասնավոր պահնորդական կազմակերպություններին։
ՆԳՆ-ի փոխանցմամբ՝ հանդիպման ընթացքում անդրադարձ է կատարվել պահպանության կազմակերպման առանձնահատկություններին, լիցենզավորման նոր պահանջներին, ինչպես նաև ոլորտում առկա կազմակերպչական և իրավական խնդիրներին։ Նշվել է, որ պահանջների չկատարման դեպքում նախարարությունը կարող է դադարեցնել կազմակերպությունների լիցենզիաների գործողությունը։
Անդրադարձ է կատարվել պետական օբյեկտների պահպանության առանձնահատկություններին, անձնակազմի համալրման և պատրաստվածության, պահնորդների տարիքային շեմի և զենքի լիցենզավորման ընթացակարգերին։ ՆԳ նախարարությունը հայտնել է, որ գործընթացը լինելու է մշտադիտարկման ներքո։
