16.04.2026 | 18:47
Լիբանանի նախագահը հրաժարվել է խոսել Նեթանյահուի հետ. CNN
Հայկ Մարտիրոսյանը հաղթել է Մագնուս Կարլսենին․ ՏԵՍԱՆՅՈՒԹ
30.12.2025 | 16:13
Դոհայում ավարտին մոտեցող կայծակնային շախմատի աշխարհի առաջնությունում Հայաստանի հավաքականի ներկայացուցիչ Հայկ Մարտիրոսյանը հաղթել է շախմատի աշխարհի 16-րդ չեմպիոն, նորվեգացի գրոսմայստեր Մագնուս Կարլսենին։
Հայ գրոսմայստերը ՖԻԴԵ-ի դասակարգման առաջատարի հետ մրցել է 14-րդ խաղափուլում՝ սպիտակ խաղաքերերով։
Կարլսենը պատահմամբ շրջել է խաղաքարերը, ինչից հետո գրանցվել է տեխնիկական պարտություն։ Ավելի վաղ նորվեգացի գրոսմայստերը դարձել էր արագ շախմատի աշխարհի չեմպիոն։
Առաջին խաղային օրվանից հետո Հայկ Մարտիրոսյանը 13 հնարավորից վաստակել էր 9 միավոր և կիսում էր 10-20-րդ տեղերը։
Կայծակնային շախմատի աշխարհի առաջնությունը կավարտվի դեկտեմբերի 30-ին։ Հայաստանի ներկայացուցիչներից մասնակիցների թվում են նաև Շանթ Սարգսյանը, Ռոբերտ Հովհաննիսյանը, Արամ Հակոբյանը, Ռոբերտ Փիլիպոսյանը, Արթուր Դավթյանը, Էմին Օհանյանը և Մամիկոն Ղարիբյանը։
