10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Ստամբուլում ադրբեջանական և թուրքական լցանավերն աղետի ազդանշան են ուղարկել. ՏԵՍԱՆՅՈՒԹ
Քաղաքականություն
30.12.2025 | 15:11
Ստամբուլի Ֆլորյա ափին երկու լցանավեր, որոնցից մեկը՝ ադրբեջանական, մյուսը՝ թուրքական դրոշի ներքո, աղետի ազդանշաններ են տվել, գրում են ադրբեջանական լրատվամիջոցները։
Դեպքի վայր են ուղարկվել փրկարարական խմբեր։
A Haber հեռուստաալիքը հաղորդել է, որ նախնական գնահատականներով՝ լցանավերից մեկը խրվել է ափին. ափից նկարահանված տեսանյութում երևում է, որ նավն անշարժ է։ Բոսֆորի նեղուցում այժմ ուժեղ քամի և փոթորիկ է նկատվում։
Նախնական տեղեկություններով՝ նեղուցով անցնելիս լցանավերը բախվել են միմյանց, ինչից հետո նավերից մեկը խրվել է ափին։ Անձնակազմի շրջանում տուժածների մասին տեղեկություններ չկան։ Բարդ եղանակային պայմանները դժվարացնում են փրկարարական աշխատանքները, և պաշտոնյաները դեռևս լրացուցիչ տեղեկություններ չեն տրամադրել միջադեպի վերաբերյալ։
Թարգմանությունը՝ Էմմա Չոբանյանի
