15.02.2026 | 12:11
Փրկարարներն արգելափակումից դուրս են բերել 243 տրանսպորտային միջոց և օգնություն ցուցաբերել 379 քաղաքացու
Ադրբեջանի և Վրաստանի ԱԳ նախարարները քննարկել են դեպի Հայաստան տարանցման սակագները
Քաղաքականություն
29.12.2025 | 15:31
Ադրբեջանի և Վրաստանի արտաքին գործերի նախարարներ Ջեյհուն Բայրամովն ու Մակա Բոճորիշվիլին հեռախոսազրույցի ընթացքում քննարկել են երկու երկրների միջև բարեկամական և ռազմավարական գործընկերության ներկա վիճակն ու հեռանկարները։ Ադրբեջանի ԱԳՆ հաղորդմամբ՝ կողմերն ընդգծել են, որ առկա բարձր մակարդակի քաղաքական երկխոսությունը, ինչպես նաև տեղի ունեցած ինտենսիվ այցելությունները նպաստել են հարաբերությունների հետագա ամրապնդմանը։
Նշվել է հաջորդ տարի բարձր մակարդակի քաղաքական շփումների հետագա ընդլայնման կարևորությունը։
Կողմերը քննարկել են նաև տարածաշրջանում առևտրի և հաղորդակցության հարցերը՝ ողջունելով այս ուղղությամբ ձեռնարկված ջանքերը։ Նախարարները գոհունակությամբ նշել են Վրաստանի միջոցով Հայաստան ադրբեջանական նավթամթերքի արտահանման հետ կապված սակագների վերաբերյալ ձեռք բերված համաձայնությունը և ընդգծել այս ոլորտում աշխատանքները շարունակելու կարևորությունը։ Ջեյհուն Բայրամովը շնորհակալություն է հայտնել Վրաստանի ղեկավարությանը այս հարցի արագ լուծման համար։
Ավեի վաղ Բայրամովը հայտարարել էր, որ Վրաստանի տարածքով ադրբեջանական նավթամթերքը Հայաստան արտահանելու համար Թբիլիսիի կողմից առաջարկված սկզբնական սակագինը նպատակահարմար չի եղել։
Թարգմանությունը՝ Էմմա Չոբանյանի
