28.03.2026 | 10:37
Արտարժույթների փոխարժեքները՝ մարտի 28-ի դրությամբ
Թուրքիայում ԻԼԻՊ-ի դեմ գործողության ժամանակ 7 ոստիկան է վիրավորվել. ՏԵՍԱՆՅՈՒԹ
Քաղաքականություն
29.12.2025 | 12:58
Թուրքիայի Յալովա նահանգում ԻԼԻՊ-ի դեմ գործողության ընթացքում բախումների հետևանքով վիրավորվել է յոթ ոստիկան, գրում է Turkiye today-ը:
«Յալովայի ոստիկանության բաժնի կողմից իր պատասխանատվության գոտում ԻԼԻՊ ահաբեկչական կազմակերպության դեմ անցկացված պլանային գործողության ընթացքում տեղի է ունեցել միջադեպ, որի հետևանքով վիրավորվել է 7 ոստիկան։ Միջադեպին ի պատասխան՝ Բուրսա նահանգից հատուկ գործողությունների աջակցության խմբեր են ուղարկվել տարածք՝ օպերատիվ աջակցություն ցուցաբերելու համար»,- ասվում է Յալովայի նահանգապետարանի տարածած հայտարարությունում։
Նշվում է, որ վիրավոր ոստիկանների կյանքին վտանգ չի սպառնում։ Անվտանգության միջոցառումները և միջամտության ջանքերը դեպքի վայրում շարունակվում են։
Յալովայի գործողությունը տեղի է ունենում Նոր տարվա տոնակատարություններից առաջ Թուրքիայում ԻԼԻՊ-ի դեմ ուղղված մի շարք հակաահաբեկչական գործողությունների ֆոնին։
Թարգմանությունը՝ Էմմա Չոբանյանի
