30.10.2026 | 13:53
Հայաստանի և ԵՄ-ի ներկայացուցիչները քննարկել են վիզաների ազատականացման գործընթացում արձանագրված առաջընթացը
Հենրիխ Մխիթարյան․ Կիվուն վստահություն ու էներգիա տվեց մեզ
27.12.2025 | 16:50
Հայաստանի հավաքականի նախկին ավագ, իտալական «Ինտերի» կիսապաշտպան Հենրիխ Մխիթարյանը վերհիշել է Չեմպիոնների լիգայի նախորդ մրցաշրջանի եզրափակիչում ֆրանսիական ՊՍԺ-ից կրած 0:5 հաշվով պարտությունը և անդրադարձել թիմի գլխավոր մարզիչ Կրիստիան Կիվուին։
«Չի կարելի մոռանալ այն ուղին, որը մենք անցել ենք։ Անցյալ մրցաշրջանն անհավանական երկար էր։ Եթե հաշվի առնենք նաև աշխարհի ակումբային առաջնությունը, մենք անցկացրինք 63 հանդիպում։
Կրիստիան Կիվուն բարդ շրջանում ընդունեց թիմը և վստահություն ու էներգիա տվեց մեզ։ Նա օգնեց անցյալում թողնել ՊՍԺ-ից կրած պարտությունն ու նայել առաջ։ Հուզական վերելքներ ու անկումներ ունենալը նորմալ է ֆուտբոլում։
Չեմպիոնների լիգայի եզրափակիչում պարտությունից հետո մենք հիասթափված էինք, սակայն աստիճանաբար հասկացանք, որ եթե ուշքի չգանք, չենք կարող պայքարել ապագայում»,- Մխիթարյանի խոսքը մեջբերում է Cronache Di Spogliatoio-ն։
Հիշեցնենք, որ ռումինացի անվանի ֆուտբոլիստ Կրիստիան Կիվուն այս մրցաշրջանից առաջ է գլխավորել «Ինտերը»՝ փոխարինելով իտալացի Սիմոնե Ինձագիին։
