29.07.2026 | 00:56
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
Պետք է ունենան առնվազն 10 որակավորված պահնորդ կամ թիկնապահ՝ 1-ի փոխարեն․ ՆԳՆ-ն հիշեցում է՝ օրենքի պահանջները չկատարելը կհանգեցնի լիցենզիայի դադարեցման
Հասարակություն
26.12.2025 | 15:40
ՆԳՆ ոստիկանությունը տեղեկացնում է 2025 թվականի ապրիլի 18-ին ընդունված «Մասնավոր պահնորդական գործունեության մասին» օրենքում լրացումներ և փոփոխություններ կատարելու մասին» օրենքով սահմանված որոշ դրույթներ ուժի մեջ են մտնում 2026 թվականի հունվարի 1-ից։ Մասնավորապես հիշեցնում է․ պետք է ունենան առնվազն 10 որակավորված պահնորդ կամ թիկնապահ՝ 1-ի փոխարեն։
«Համաձայն այդ փոփոխությունների՝ լիցենզիա ստացած մասնավոր պահնորդական գործունեություն իրականացնող կազմակերպությունները պարտավոր են իրենց լիցենզիան համապատասխանեցնել օրենքով նախատեսված նոր պահանջներին։
Հունվարի 1-ից ուժի մեջ են մտնում հետևյալ կարգավորումները․
Մինչև օրենքի փոփոխությունը ուժի մեջ մտնելը լիցենզիաներ ստացած մասնավոր պահնորդական գործունեություն իրականացնող կազմակերպությունները լիցենզիաները պետք է համապատասխանեցնեն օրենքով նախատեսված պահանջներին, այն է՝ պետք է ունենան առնվազն 10 որակավորված պահնորդ (կամ թիկնապահ)՝ 1-ի փոխարեն,
Մասնավոր պահնորդական գործունեություն իրականացնող կազմակերպությունները յուրաքանչյուր կիսամյակ՝ մինչև կիսամյակին հաջորդող ամսվա 25-ը (առաջին հաշվետվությունը՝ մինչև 2026 թվականի հունվարի 25-ը), լիազոր մարմին են ներկայացնում հաշվետվություն՝ լիազոր մարմնի կողմից սահմանված կարգով։
Օրենքով սահմանված պահանջները չկատարելու դեպքում Ներքին գործերի նախարարությունը հետամուտ կլինի պահնորդական կազմակերպությունների լիցենզիայի գործողության դադարեցմանը։
Հիշեցնենք նաև, որ ՆԳՆ ոստիկանությունը խիստ վերահսկողություն է իրականացնում արդեն իսկ գործող պահանջի կատարման նկատմամբ, համաձայն որի՝ պաշտպանվող յուրաքանչյուր անձի տրանսպորտային միջոցով փոխադրումը կարող է իրականացվել միայն մեկ տրանսպորտային միջոցով, որի մեջ կարող է գտնվել երեքից ոչ ավելի թիկնապահ (այդ թվում` վարորդ-թիկնապահը):
Հորդորում ենք սահմանված կարգով ապահովել օրենքի պահանջների կատարումը․ նոր կարգավորումների հիմնական նպատակն է մասնավոր պահնորդական գործունեության կանոնակարգումը, ինչպես նաև հանրային անվտանգության ապահովման երաշխավորման բարձրացումը»,- ասված է հաղորդագրությունում։
