Քաղաքականություն
26.12.2025 | 15:50
Դեկտեմբերի 28-ին Ուկրաինայի նախագահ Վլադիմիր Զելենսկին կարող է հանդիպել Սպիտակ տան ղեկավար Դոնալդ Թրամփի հետ։ Հանդիպումը նախատեսված է Թրամփի Ֆլորիդայի նստավայրում։ ՌԲԿ Ուկրաինայի հաղորդմամբ՝ այս մասին հայտնել է Axios-ի լրագրող Բարաք Ռավիդը X սոցիալական ցանցում։
«Նախագահ Թրամփը կիրակի Մար-ա-Լագոյում կհանդիպի Ուկրաինայի նախագահ Զելենսկու հետ, հայտնում է ուկրաինացի պաշտոնյան»,- նշել է Բարաքը կարճ գրառման մեջ։
Մար-ա-Լագոն Ֆլորիդայում գտնվող մասնավոր նստավայր է, որը պատկանում է ԱՄՆ նախագահ Դոնալդ Թրամփին։
Հիշեցնենք՝ Ուկրաինայի նախագահ Վլադիմիր Զելենսկին այսօր հայտարարել էր, որ առաջիկայում կհանդիպի ԱՄՆ նախագահ Դոնալդ Թրամփի հետ։
Թարգմանությունը՝ Էմմա Չոբանյանի
