19.05.2026 | 23:24
Արփինե Սարգսյանը և ԱՄՆ ժամանակավոր հավատարմատարը քննարկել են կիբեռլաբորատորիայի ստեղծումն ու համագործակցության ընդլայնումը
Զելենսկին հայտարարել է, որ առաջիկայում կհանդիպի Թրամփի հետ
Քաղաքականություն
26.12.2025 | 13:43
Ուկրաինայի նախագահ Վլադիմիր Զելենսկին հայտարարել է, որ առաջիկայում կհանդիպի ԱՄՆ նախագահ Դոնալդ Թրամփի հետ, գրում է BBC-ի ռուսական ծառայությունը։
Նա սոցցանցերում հայտնել է, որ բանակցություններում ուկրաինական պատվիրակության ղեկավար Ռուստեմ Ումերովը նրան ներկայացրել է ԱՄՆ-ում իրենց վերջին հանդիպումների արդյունքները։
Ումերովը վերջերս Ֆլորիդայում խոսել էր Թրամփի հատուկ բանագնացներ Սթիվ Ուիթկոֆի և Ջարեդ Քուշների հետ։ Նրանք քննարկել են ԱՄՆ-ի կողմից մշակված և բազմաթիվ բանակցությունների ընթացքում փոփոխված խաղաղության ծրագրի մանրամասները։
«Մենք ոչ մի օր չենք վատնում։ Մենք համաձայնության ենք եկել առաջիկայում ամենաբարձր մակարդակով՝ նախագահ Թրամփի հետ հանդիպման մասին։ Մինչև Նոր տարի շատ բան կարող է որոշվել»,- գրել է Զելենսկին։
Հիշեցնենք, որ ավելի վաղ Զելենսկին հեռախոսազրույց էր ունեցել ԱՄՆ նախագահի հատուկ բանագնաց Սթիվ Ուիթկոֆի և Թրամփի փեսայի՝ Ջարեդ Քուշների հետ։
Թարգմանությունը՝ Էմմա Չոբանյանի
