10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Զելենսկին հեռախոսազրույց է ունեցել ԱՄՆ նախագահի բանագնացներ Ուիթկոֆի ու Քուշների հետ
Քաղաքականություն
26.12.2025 | 11:08
Ուկրաինայի նախագահ Վլադիմիր Զելենսկին հեռախոսազրույց է ունեցել ԱՄՆ նախագահի հատուկ բանագնաց Սթիվ Ուիթկոֆի և Թրամփի փեսայի՝ Ջարեդ Քուշների հետ, որոնք բանակցություններ են վարում պատերազմի ավարտի շուրջ, գրում է BBC-ի ռուսական ծառայությունը։
«Կողմերը քննարկել են աշխատանքի որոշ նշանակալի մանրամասներ. կան լավ գաղափարներ, որոնք կարող են նպաստել ընդհանուր արդյունքի և կայուն խաղաղության հասնելուն։ Նշանակալի առաջընթաց է գրանցվել փաստաթղթերի վրա աշխատանքի հարցում, այդ թվում՝ անվտանգության երաշխիքների և տնտեսական բարգավաճման վերաբերյալ», – ասվում է Ուկրաինայի նախագահի մամուլի ծառայության հաղորդագրության մեջ։
Նշվում է, որ զրույցին մասնակցել են Ուկրաինայի Ազգային անվտանգության և պաշտպանության խորհրդի քարտուղար Ռուստեմ Ումերովը, Գլխավոր շտաբի պետ Անդրեյ Գնատովը, ԱԳ նախարար Անդրեյ Սիբիհան և բանակցությունների այլ մասնակիցներ։
Ումերովը նույնպես նախատեսում է կրկին խոսել Ուիթկոֆի և Քուշների հետ։
Ավելի վաղ Զելենսկին առաջին անգամ հրապարակել էր Միացյալ Նահանգների հետ համաձայնեցված խաղաղության ծրագրի 20 կետերը։
Թարգմանությունը` Էմմա Չոբանյանի
