05.06.2026 | 01:05
Ասել են` ուզում ենք գնանք՝ ՌԴ, զանգել եմ Պուտինին, օդանավն էլ տվել եմ, չեն գնացել․ Փաշինյան․ ՏԵՍԱՆՅՈՒԹ
Դիեգո Մարադոնայի պատռված մարզաշապիկը վաճառվել է մեծ գումարով․ ԼՈՒՍԱՆԿԱՐ
26.12.2025 | 14:41
Արգենտինացի լեգենդար ֆուտբոլիստ Դիեգո Մարադոնայի պատռված մարզաշապիկը 152 հազար եվրոյով վաճառվել է Matchday Football Auctions աճուրդում, հաղորդում է Mundo Deportivo-ն:
Այդ մարզաշապիկով Մարադոնան 1984 թվականին Իսպանիայի գավաթի եզրափակիչում կատալոնական «Բարսելոնայի» կազմում մասնակցել էր Բիլբաոյի «Աթլետիկի» դեմ հանդիպմանը (0:1): Այդ խաղն ավարտվել էր զանգվածային բախումով։
Աճուրդային արժեքը ռեկորդային է արգենտինացու ակումբային մարզաշապիկների համար։ Այդ խաղաշապիկը 1986թ․ աշխարհի չեմպիոնը հանդիպումից հետո թողել էր հանդերձարանում, իսկ ստադիոնի աշխատակիցներից մեկը վերցրել էր այն ու տարիներ անց փոխանցել որդուն, որն էլ վաճառել է աճուրդում:
Հիշեցնենք, որ Դիեգո Մարադոնան կյանքից հեռացել է 2020 թվականին 60 տարեկանում։
