29.06.2026 | 15:20
«Թրամփի ուղին» միայն կշահեր Ռուսաստանի մասնակցությունից․ ՌԴ ԱԳ փոխնախարար
Քրեական ոստիկաններն առգրավել են 513 շիշ կեղծ խմիչք․ ՆԳՆ ոստիկանությունը զգուշացնում է
Հասարակություն
25.12.2025 | 23:18
ՆԳՆ ոստիկանությունը տեղեկացնում է, որ նախատոնական օրերին ուժեղացնում է վերահսկողական միջոցառումները՝ ալկոհոլային կեղծ խմիչքների իրացումը կանխելու նպատակով։
Դեկտեմբերի 23-ին Քրեական ոստիկանության գլխավոր վարչության կազմակերպված հանցավորության դեմ պայքարի վարչության ծառայողները, համագործակցելով Շենգավիթի համայնքային ոստիկանների հետ, Արագածի փողոցում ձերբակալել են 34-ամյա տղամարդու՝ կեղծ ալկոհոլային խմիչքների փոխադրման և իրացման կասկածանքով։
Նրա վարած «Ֆորդ Տրանզիտ» ավտոմեքենայից հայտնաբերվել է 90 շիշ կեղծ խմիչք, իսկ հետագա միջոցառումների արդյունքում տղամարդու ավտոտնակից առգրավվել է ևս 413 շիշ։
Ըստ նախնական տվյալների՝ նա կեղծ խմիչքներ է իրացրել մայրաքաղաքի տարբեր հատվածներում։ Կազմված փաստաթղթերը ներկայացվել են քննչական բաժին։
Ոստիկանությունը հիշեցնում է, որ ալկոհոլային կեղծ խմիչքները լուրջ վտանգ են ներկայացնում առողջության համար և հորդորում է քաղաքացիներին խմիչքներ ձեռք բերել բացառապես օրինական գործունեություն ծավալող առևտրի կետերից։
