10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Զախարովան հայտարարել է, որ Ռուսաստանը հետևում է Սամվել Կարապետյանի գործին, նրա վիճակին
Քաղաքականություն
25.12.2025 | 21:57
Արտերկրում ՌԴ քաղաքացիների և ռուսական բիզնեսի շահերի պաշտպանությունը միշտ ռուսական կողմի առաջնահերթություններից է։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ անդրադառնալով գործարար Սամվել Կարապետյանի կալանքի և ՀԷՑ-ի շուրջ իրավիճակի մասին հարցին։
«Այս գործունեությունն իրականացնում ենք բացառապես օտարերկրյա պետությունների օրենքներն ու ինքնիշխանությանը հաշվի առնելով։ Սամվել Կարապետյանի մոտ հյուպատոսական մուտք ենք ապահովել Երևանում Ռուսաստանի դեսպանատան միջոցով, շարունակում ենք հետևել նրա վիճակին, ինքնազգացողությանը և նրա օրինական իրավունքների պահպանմանը»,- ասել է Զախարովան։
Նա հավելել է, որ հայ պաշտոնյաների հետ շփումներում բարձրացնում են ՀԷՑ-ի ազգայնացման հարցը, ինչպես նաև առաջարկում իրավիճակի կարգավորման ելքեր՝ հաշվի առնելով երկրի ու գործարարի շահերը։
«Նման միջավայրում այլ գործարարներ՝ թե՛ ռուսաստանցի, թե՛ արտասահմանցի, զգուշավոր են սկսել գնահատել Հայաստանում իրենց նախագծերի հեռանկարները»,- հայտարարել է ՌԴ ԱԳՆ պաշտոնական ներկայացուցիչը։
Թարգմանությունը՝ Էմմա Չոբանյանի
