06.03.2026 | 23:30
ԱՄՆ կոնգրեսականները պահանջում են հետաքննել Վաշինգտոնում Ալիևի անվտանգության աշխատակիցների հետ կապված միջադեպը
Արման Ծառուկյան․ Չեմպիոնական գոտին ձևականություն է այս պահին
25.12.2025 | 17:03
UFC-ի մարտիկ Արման Ծառուկյանն անդրադարձել է թեթև քաշային կարգում ստեղծված իրավիճակին։ Հունվարի 25-ին Լոս Անջելեսում կայանալիք UFC 324 մրցաշարում UFC-ի թեթև քաշային կարգի ժամանակավոր չեմպիոնի տիտղոսի համար մենամարտելու են ամերիկացի Ջասթին Գեյջին ու բրիտանացի Փեդի Փիմբլեթը։ Գործող չեմպիոն Իլյա Տոպուրիան ավելի վաղ հայտարարել էր, որ ընտանեկան խնդիրների պատճառով ժամանակավորապես հրաժարվել է տիտղոսի պաշտպանությունից։
«Առաջին համարը հենց այնպես իրավիճակին հետևում է կողքից։ Չեմպիոնական գոտին պարզապես ձևականություն է այս պահին»,- սոցիալական ցանցերում գրել է Արման Ծառուկյանը։
Հիշեցնենք, որ 29-ամյա Ծառուկյանը UFC-ի թեթև քաշային կարգի դասակագման առաջատարն է։ UFC-ում նա նախորդ մենամարտն անցկացրել է նոյեմբերի 22-ին՝ խեղդող հնարքով հաղթելով նորզելանդացի Դեն Հուկերին։ Հայ մարտիկը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։
