23.01.2026 | 18:19
Վարչապետի գլխավորությամբ քննարկվել են հարկային քաղաքականության հետագա բարելավմանը վերաբերող հարցեր
Բեքհեմի ավագ որդին արգելափակել է ծնողներին սոցցանցերում
25.12.2025 | 16:42
Անգլիայի հավաքականի նախկին ավագ, անգլիական «Մանչեսթեր Յունայթեդի», Մադրիդի «Ռեալի», իտալական «Միլանի» ու ֆրանսիական ՊՍԺ-ի նախկին կիսապաշտպան Դևիդ Բեքհեմի ավագ որդի Բրուքլինը սոցիալական ցանցերում արգելափակել է ծնողների օգտահաշիվները։ Վերջերս մամուլում տեղեկություն էր հայտնվել, թե Դևիդ Բեքհեմն ու նրա կին Վիկտորիան են դադարել սոցցանցերում հետևել որդուն, սակայն Բրուքլինի եղբայր Կրուզը հերքել է այդ լուրերը։
«Դա ճիշտ չէ։ Մայրիկն ու հայրիկը երբեք չէին դադարի հետևել իրենց որդուն։ Ուզում եմ պարզաբանել իրավիճակը․ հենց նրանք են արգելափակվել, ի դեպ, ես՝ նույնպես»,- Կրուզ Բեքհեմի խոսքը մեջբերում է People-ը։
Բրիտանական մամուլում լուրեր են շրջանառվում, որ Բրուքլին Բեքհեմը տևական ժամանակ չի շփվում ծնողների հետ։ Որպես հիմնական պատճառ նշվում է նրա ու ամերիկացի միլիարդատերի դուստր Նիկոլա Պելտցի հետ հարաբերությունները։ Նշվում է, որ Նիկոլան լարված հարաբերություններ ունի Բրուքլինի մոր՝ Վիկտորիա Բեքհեմի հետ։ Ըստ շրջանառվող լուրերի՝ ամուսնությունից հետո Նիկոլա Պելտցն ամբողջությամբ իր վերահսկողության տակ է վերցրել Բրուքլինի կյանքը, որը նույնիսկ չի շնորհավորել հորը՝ ասպետի կոչման արժանանալու առթիվ։
