05.10.2026 | 18:00
«Մեծամորի ատոմակայանը պետք է փակվի»․ Բաքուն Երևանում կայանալիք COP17-ին ընդառաջ արշավ է սկսել
Ստամբուլում ԻԼԻՊ-ի հետ կապված 115 մարդ է ձերբակալվել, որոնք կասկածվում են Սուրբծննդյան և Ամանորի տոներին ահաբեկչություններ ծրագրելու համար
Քաղաքականություն
25.12.2025 | 14:39
Թուրքիայի հակաահաբեկչական ստորաբաժանումները ձերբակալել են ԻԼԻՊ ահաբեկչական կազմակերպության հետ կապված 115 կասկածյալի, որոնք Սուրբ Ծննդյան և Ամանորի տոնակատարությունների ժամանակ ոչ մահմեդականների դեմ հարձակումներ են ծրագրել։ Այս մասին հայտարարել է Ստամբուլի Գլխավոր դատախազությունը, գրում է Turkiye today-ը։
Ձերբակալման օրդերներ են տրվել 137 կասկածյալների համար՝ ազգային և միջազգային մակարդակով՝ ահաբեկչության մեղադրանքով։ Նրանցից 115-ը ձերբակալվել են, մնացած կասկածյալներին գտնելու գործողությունները շարունակվում են։
«Մեր նահանգի 124 տարբեր հասցեներում միաժամանակյա ձերբակալություններ, խուզարկություններ և առգրավումներ են իրականացվել 137 կասկածյալների նկատմամբ, որոնք տեղեկություններ են ունեցել մեր երկրում հիմնականում ոչ մահմեդական անձանց թիրախավորող գործողությունների կոչերի և հարձակման ծրագրերի մասին՝ ԻԼԻՊ զինված ահաբեկչական կազմակերպության կողմից մոտեցող Սուրբ Ծննդյան և Նոր տարվա միջոցառումների շրջանակներում, և որոնք, ենթադրաբար, կապված են եղել հակամարտության գոտիների հետ՝ ահաբեկչական կազմակերպության գործունեության շրջանակում։ Առգրավվել են ատրճանակներ, փամփուշտներ և բազմաթիվ փաստաթղթեր։ Զարգացումների վերաբերյալ լրացուցիչ տեղեկատվություն կտրամադրվի»,- ասվում է Ստամբուլի գլխավոր դատախազությանը հայտարարության մեջ։
Զանգվածային ձերբակալությունները տեղի են ունենում Թուրքիայում Նոր տարվա տոնակատարություններից առաջ անվտանգության ուժեղացված միջոցառումների ֆոնին:
Թարգմանությունը՝ Էմմա Չոբանյանի
