27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Պատգամավորները 1 մլն 845 հազար դրամ պարգևավճար են ստացել՝ աշխատավարձը չհաշված
Քաղաքականություն
24.12.2025 | 21:27
Ազգային ժողովի պատգամավորները դեկտեմբերին 3 մլն 25 հազար դրամ աշխատավարձ ու պարգևավճար են ստացել՝ հարկերը հանած։ Այս տեղեկությունը Factor.am-ի հետ զրույցում հաստատեց ԱԺ «Հայաստան» խմբակցության պատգամավոր Քրիստինե Վարդանյանը։
Նրա փոխանցմամբ՝ սա ներառում է նաև դեկտեմբեր և հունվար ամիսների աշխատավարձը։ Նշենք, որ պատգամավորի մեկ ամսվա աշպատավարձը, հարկերը հանած, կազմում է 590 հազար դրամ։ Եթե 3 մլն 25 հազար դրամից հանում ենք երկու ամսվա աշխատավարձը, ապա ստացվում է, որ պատգամավորները 1 մլն 845 հազար դրամ պարգևավճար են ստացել։
ԱԺ-ն ունի 107 պատգամավոր, պարգևավճարների ընդհանուր գումարը կազմում է 197,5 մլն դրամ։ Սա, իհարկե, ամբողջական պարգևավճարի թիվը չի արտացոլում։ Օրինակ, ԱԺ նախագահի աշխատավարձը բարձր է, եթե պարգևավճարները տրվել են դրույքաչափի հաշվարկով, ապա Ալեն Սիմոնյանն ավելի շատ կարող էր ստանալ։ Պատգամավորներից բացի՝ պարգևավճար են ստացել նաև ԱԺ աշխատակազմի աշխատակիցները։ Գումարի չափն ու պարգևավճարի տրամադրման սկզբունքը դարձյալ անհայտ են։
ԱԺ-ն հրապարակել է խորհրդարանի նախագահի համապատասխան կարգադրությունները պարգևավճարների վերաբերյալ, սակայն անհատական ցանկը և ընդհանուր գումարը հրապարակված չեն։
Ի դեպ, ՔՊ-ական պատգամավորներն այս թեմայով մեկնաբանություն չեն տալիս։ Յոթանիշ պարգևավճար ստացած ընդդիմադիրներնն էլ նշում են, որ այդ գումարն ուղղելու են բարեգործության՝ առայժմ չբացահայտելով ուղղությունը։
Նարեկ Կիրակոսյան
