10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Ֆուտզալի Հայաստանի հավաքականը`միջազգային մրցաշարի հաղթող
24.12.2025 | 21:49
Ֆուտզալի Հայաստանի ազգային հավաքականը նվաճեց Երևանում ավարտված միջազգային ընկերական մրցաշարի հաղթողի կոչումը։
Երրորդ տուրում Ռուբեն Նազարեթյանի գլխավորած թիմը 3:1 հաշվով կամային հաղթանակ տարավ Վրաստանի հավաքականի նկատմամբ և մրցաշարն ավարտեց 100 տոկոսանոց ցուցանիշով՝ 9 միավոր։
Բոլոր գոլերը գրանցվեցին երկրորդ խաղակեսում։ Տանտերերի կազմում գոլի հեղինակ դարձան Նիկիտա Խրոմիխն ու Արսեն Պետրոսովը, մեկ անգամ էլ մրցակիցը գրավեց սեփական դարպասը։
Նախորդ երկու խաղում Հայաստանի հավաքականը հաղթել էր Ղրղզստանի (5։1) ու Մոլդովայի (2։1) թիմերին։
Մրցաշարն անցկացվեց ՀՖՖ Տեխնիկական կենտրոն/Ֆուտբոլի ակադեմիայում։
Հիշեցնենք, որ ֆուտզալի Հայաստանի հավաքականը պատրաստվում է 2026թ․ Եվրոպայի առաջնության եզրափակիչ փուլին, որը կկայանա հունվարի 21-ից փետրվարի 7-ը Լատվիայում, Լիտվիայում և Սլովենիայում։ Խմբային փուլում հայ ֆուտզալիստների մրցակիցներն են Ուկրաինան (hունվարի 22), Չեխիան (hունվարի 25) և Լիտվան (hունվարի 28)։
Լուսանկարը` ՀՖՖ-ի։
