09.06.2026 | 12:54
Սպասում ենք վերահաշվարկի արդյունքներին, որից հետո կհայտարարենք հետագա քայլերի մասին․ Նարեկ Կարապետյան
ՊՍԺ-ն մտադիր է ցմահ պայմանագիր կնքել Լուիս Էնրիկեի հետ
24.12.2025 | 17:19
Ֆրանսիական ՊՍԺ-ի ղեկավարությունը ցանկանում է ցմահ պայմանագիր կնքել թիմի գլխավոր մարզիչ Լուիս Էնրիկեի հետ, հաղորդում է AS-ը։
ՊՍԺ-ում 55-ամյա իսպանացուն համարում են իդեալական մարզիչ և պատրաստ են առաջարկել ֆուտբոլի պատմության մեջ ամենաթանկ պայմանագիրը։
Լուիս Էնրիկեի գործող պայմանագիրը նախատեսված է մինչև 2027թ․ ամառ։
Էնրիկեն 2023 թվականից է գլխավորում ՊՍԺ-ն և 1,5 տարում նվաճել է 9 տիտղոս։ Ավելի վաղ նա տարվա լավագույն մարզիչ էր ճանաչվել ՖԻՖԱ-ի վարկածով ու «Ոսկե գնդակի» մրցանակաբաշխությունում։
2025 թվականին փարիզյան ակումբը դարձել է Ֆրանսիայի չեմպիոն, գավաթակիր, սուպերգավաթակիր, Չեմպիոնների լիգայի ու Միջմայրցամաքային գավաթի հաղթող և նվաճել ՈՒԵՖԱ-ի Սուպերգավաթը։ Կատալոնական «Բարսելոնայից» և Մյունխենի «Բավարիայից» հետո ՊՍԺ-ն երրորդ ակումբն է, որը մեկ օրացուցային տարում նվաճում է 6 տիտղոս։
