30.10.2026 | 20:58
Թրամփը հայտարարել է, որ Իրանի հետ պատերազմը «շուտով կավարտվի»
Կրեմլը հրաժարվել է մեկնաբանել՝ արդյո՞ք Պուտինը Սիրիայի ԱԳ նախարարի հետ քննարկել է ռուսական բազաների հարցը
Քաղաքականություն
24.12.2025 | 21:40
Կրեմլի խոսնակ Դմիտրի Պեսկովը չի մեկնաբանել հարցը՝ արդյո՞ք ՌԴ նախագահ Վլադիմիր Պուտինը հանդիպել է Սիրիայի արտգործնախարար Ասաադ ալ-Շիբանիի հետ և արդյո՞ք հանդիպման ժամանակ քննարկվել է Սիրիայում տեղակայված ռուսական ռազմաբազաների ճակատագիրը, գրում է Ինտերֆաքսը։
«Ես այդ հարցը կթողնեմ առանց մեկնաբանության»,- լրագրողներին ասել է Պեսկովը։
Ավելի վաղ Ռուսաստանի արտաքին գործերի նախարար Սերգեյ Լավրովն իր սիրիացի գործընկերոջ հետ հանդիպման ժամանակ ասել էր. «Գիտեմ, որ երեկ Դուք շատ լավ զրույց եք ունեցել նախագահ Պուտինի հետ, որի ընթացքում քննարկել եք երկկողմ հարցեր, տարածաշրջանում ստեղծված իրավիճակը և գործնական առաջադրանքներ՝ ապահովելու, ինչպես արդեն ասացի, Սիրիայի Արաբական Հանրապետության ինքնիշխանության և տարածքային ամբողջականության առանցքային հարցը»։
Թարգմանությունը՝ Էմմա Չոբանյանի
