01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
ԿԸՀ նախագահը՝ Գյումրիի, Փարաքարի և Վաղարշապատի ընտրությունների մասին․ ՏԵՍԱՆՅՈՒԹ
24.12.2025 | 11:33
«Հերթական ընտրություններ, որպես այդպիսին, 2025 թվականին նախատեսված չէին, բայց իրադարձություններն այնպես դասավորվեցին, որ ընթացիկ տարվա մեջ 3 համայնքներում ունեցանք ընտրություններ»,- այս մասին հրավիրված ասուլիսի ժամանակ ասաց Կենտրոնական ընտրական հանձնաժողովի նախագահ Վահագն Հովակիմյանը։
Հանձնաժողովի նախագահը հավաստիացրեց՝ Գյումրիի, Փարաքարի և Վաղարշապատի ընտրությունների ընթացքում չի եղել մեկ ահազանգ, որն անարձագանք է մնացել։
«Ես ուղղակի արձանագրման կարգով ասեմ, որ, օրինակ, Գյումրիի ընտրությունների հետ կապված թիվ 31 ընտրատարածքային ընտրական հանձնաժողովը ստացել է յոթ դիմում։ Այսինքն, ամբողջ ընտրությունների ընթացքում, ու դա եղել է մինչև քվեարկությունը։ Փարաքարի ընտրությունների հետ կապված դիմում-բողոք ընդհանրապես չենք ստացել։ Վաղարշապատի ընտրությունների ընթացքում ստացել ենք երեք դիմում։ Այսինքն, սա ընտրատարածքային ընտրական հանձնաժողովի ստացած դիմումներն են։ Վաղարշապատի ընտրությունների հետ կապված Կենտրոնական ընտրական հանձնաժողովը ևս ստացել է դիմումներ։ Եվ դիմումը, դիմումատուները դիտորդական կազմակերպություններից են եղել»,- նշեց Հովակիմյանը։
Մանրամասները՝ տեսանյութում։
