09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Պայթյուն Մոսկվայում ճանապարհային ոստիկանության մեքենայի մոտ. զոհվել է երեք մարդ, այդ թվում՝ երկու ոստիկան. ՏԵՍԱՆՅՈՒԹ
Քաղաքականություն
24.12.2025 | 11:39
Մոսկվայի հարավում գտնվող Ելեցկայա փողոցում տեղի ունեցած «միջադեպի» ժամանակ ճանապարհային ոստիկանության երկու աշխատակիցներ տուժել, հայտնել է Քննչական կոմիտեն, գրում է Meduza-ն։
Քննության տվյալներով՝ ճանապարհային ոստիկանության երկու աշխատակիցներ ծառայողական մեքենայի մոտ կասկածելի տղամարդու են նկատել։ Երբ մոտեցել են նրան ձերբակալելու, պայթուցիկ սարք է պայթեցվել: Երեք մարդ է զոհվել, այդ թվում՝ երկու ոստիկան։ Չի նշվում՝ երրորդ անձը պայթուցիկը պայթեցնողն է, թե՞ անցորդ: Քրեակաան գործ է հարուցվել։
Baza Telegram ալիքը հաղորդում է, որ դեկտեմբերի լույս 24-ի գիշերը Ելեցկայա փողոցում՝ ոստիկանական բաժանմունքի մոտ, պայթյուն է տեղի ունեցել: Երկու ոստիկան զոհվել է, իսկ ևս երկուսը ծանր վիճակում հոսպիտալացվել է: Առավոտյան Baza-ն հաղորդել է, որ ճանապարհային ոստիկանության մեքենայի ներքևի մասում՝ ուղևորի կողմում, վարորդի կողքին, ամրացված է եղել ինքնաշեն պայթուցիկ սարք։
Ճանապարհային ոստիկանության մեքենայի պայթյունը, Baza-ի և «Կոմերսանտ»-ի հաղորդմամբ, տեղի է ունեցել ՌԴ Զինված ուժերի օպերատիվ պատրաստության վարչության պետ, գեներալ-լեյտենանտ Ֆանիլ Սարվարովի սպանության վայրի մոտ։ Նրա մեքենան պայթեցվել էր դեկտեմբերի 22-ին Յասենևայա փողոցում։ Քննության վարկածով՝ պայթուցիկը տեղադրված է եղել մեքենայի տակ։
Թարգմանությունը՝ Էմմա Չոբանյանի
