29.06.2026 | 23:11
ԱԱ-2026. Բրազիլացիները կամային հաղթանակով դուրս եկան 1/8 եզրափակիչ. ՏԵՍԱՆՅՈՒԹ
Տրանսպորտում չվճարողների զգալի մասը դպրոցականներն ու օտարերկրացիներն են․ Գալջյան․ ՏԵՍԱՆՅՈՒԹ
Տնտեսություն
23.12.2025 | 11:04
«Մենք ավելացնում ենք հասարակական կարգի ծառայությունում նոր հաստիքներ, որովհետև հանրության գերակշիռ մասը մեզնից պահանջում է, որ մենք հետևողական լինենք հանրային տրանսպորտում վճարումների պատշաճ իրականացմանը»,- այս մասին ավագանու նիստի ընթացքում ասաց Երևան քաղաքի ավագանու «Քաղաքացիական պայմանագիր» խմբակցության ղեկավար Արմեն Գալջյանը։
«Տրանսպորտից օգտվողների շուրջ 80%-ը վճարում է բարեխիղճ և ունի արդարացի դժգոհություն այն 20%-ի նկատմամբ, ովքեր չեն վճարում: Եվ մենք՝ որպես քաղաքային իշխանություն, պարտավոր ենք մարդկանց պահանջին ականջալուր լինել: Ավելին՝ չվճարողների հիմնական, շատ մեծ մաս են կազմում օտարերկրացիները և ես կարծում եմ՝ դա ավելի անարդար է, որ մեր քաղաքացիները վճարում են, իսկ օտարերկրացիները՝ ոչ, օգտվելով տարբեր բացերից, և նաև անչափահասները, հիմնականում դպրոցական տարիքի մեր քաղաքացիները հաճախ չեն վճարում։
Եթե դուք մտածում եք, որ սա մեր վրա բացասաբար կազդի, և դա փորձում եք ներկայացնել, որ հերթական ահասարսուռ որոշում է, ձեզ տեղեկացնում եմ, որ իրականությունը հակառակն է, և մարդիկ միմիայն իրենց գոհունակությունն են հայտնելու»,- նշեց Գալջյանը:
Մանրամասները՝ տեսանյութում։
