07.07.2026 | 01:01
ԱԱ-2026. Իսպանիան հաղթանակ կորզեց Պորտուգալիայի դեմ խաղում. ՏԵՍԱՆՅՈՒԹ
Արսեն Թորոսյանն ընդունել է «Էլսմեդ» առողջապահական լուծումներ» կազմակերպության գործադիր տնօրենին
Հասարակություն
05.11.2018 | 20:00
«Էլսմեդ» առողջապահական լուծումներ» կազմակերպության գործադիր տնօրեն Գենադի Լեյդերմանն առողջապահության նախարարի պաշտոնակատար Արսեն Թորոսյանին է ներկայացրել իրենց կազմակերպության առաքելությունը:
Ինչպես տեղեկացրին առողջապահության նախարարության տեղեկատվության եւ հասարակայնության հետ կապերի վարչությունից, մասնավորապես նա նշել է, որ մասնագիտացած են աշխարհում առողջապահական կազմակերպություններ կյանքի կոչելու գործում:
«Ավելի քան 20 տարվա փորձը թույլ է տալիս համագործակցել թե պետական, թե մասնավոր կազմակերպությունների հետ: Հաշվի առնելով տեղական պահանջարկը` ավելի քան 24 երկրում բժշկական կազմակերպություններ գործարկելու 250 նախագիծ ենք իրականացրել»,- ընդգծել է Գենադի Լեյդերմանը:
Արսեն Թորոսյանն անդրադարձել է համակարգի առաջնահերթ լուծում պահանջող խնդիրներին` մասնագետների վերապատրաստում, բժշկական սարքերով ապահովում, սպասարկում, հնարավոր ներդրումային ծրագրերի իրականացում: Որպես գերակայություն նախարարը ներկայացրել է ուռուցքաբանության ոլորտը, առկա վիճակը, ծառայությունների աշխարհագրությունը:
Կողմերը քննարկել են հնարավոր համագործակցության եզրերը: Պայմանավորվածություն է ձեռք բերվել քայլեր ձեռնարկել որոշակի ուղղություններով գործակցություն սկսելու համար:
