29.06.2026 | 21:27
Պուտինի սուրպերզբոսանավը 2022թ․ ի վեր առաջին անգամ հայտնվել է ռադարների էկրանին․ այն նկատել են Դանիայի ափերի մոտ
19 մլն դրամ կորցրի Գազպրոմի անունից խաղարկության, 17 հզր դոլար էլ`«Deliver» կազմակերպությունից. տուժած. ՏԵՍԱՆՅՈՒԹ
Հասարակություն
19.12.2025 | 14:36
«Երկուսուկես տարի առաջ Գազպրոմը հեռախոսով հայտարարություններ էր տարածել, որ թոշակառուների համար, որպես նոր տարվա նվեր, ուզում են խաղարկություն կազմակերպել»,- ասաց ՔԿ-ի մոտ բողոքի ակցիա իրականացնող տուժած քաղաքացին։
«Հայտարարության մեջ ասվում էր՝ եթե ներդրում կատարեք, խաղարկությանը գումար կշահեք։ Ես սկզբում էի 50․000 դրամ ներդրեցի, հետո ասացին՝ դա քիչ է, մինիմումը 500 դոլար պետք է լինի, ավելացրի, դարձրի 500 դոլար։ Հետո որոշ ժամանակ զանգեցին, թե շահել եմ 1300 դոլար, բայց ստանալու համար պետք է վճարեմ։ Վճարեցի 80 հազար դրամ։ Ինձ սխալ տվյալներ էին ուղարկել, հետո ասացին՝ նորից ուղարկիր, մենք 80 հազար դրամը հետ կուղարկենք։ Նորից 80 հազար դրամ ուղարկեցի։ Հետո իրենք հետ չուղարկեցին։ Հետո ուրիշ տեղից զանգեցին, 300 հազար ուղարկի, մենք քո փողը կտանք։ Եվ այդպես շարունակ»,- պատմեց ֆինանսական խարդախության զոհ դարձած քաղաքացին։
Հարցին՝ արդյոք այս ամենից հետո քաղաքացու մոտ կասկածներ չեն առաջացել, պատասխանեց․
«Չէ, կասկածներ չառաջացան, որովհետև գիտեք ինչ, շատ էի ուզում իմ ներդրած գումարը հետ ստանալ։ Ու միշտ շատ համոզված էին խոսում, որ անպայման վերադարձնելու են իմ գումարը»,- ասաց քաղաքացին։
Հիշեցնենք՝ խարդախության զոհ դարձած քաղաքացիները ՔԿ-ից պահանջում են ներկայացնել կոնկրետ օր և հստակ ժամկետ, թե երբ և ինչ մեխանիզմներով են վերադարձվելու իրենց կորցրած գումարները։ Քաղաքացիներն անժամկետ նստացույցի մասին են հայտարարել։
Մանրամասները՝ տեսանյութում։
