14.04.2026 | 23:28
Կրեմլը վերանայում է ինտերնետի սահմանափակումների նկատմամբ մոտեցումը՝ վախենալով Պուտինի վարկանիշի անկումից․ Bloomberg
Ամբողջ ընտանիքով «HelloBit»-ից ենք տուժել. քաղաքացի. ՏԵՍԱՆՅՈՒԹ
Հասարակություն
19.12.2025 | 14:19
«Մենք ամբողջ ընտանիքով՝ 6 հոգի, տուժել ենք «HelloBit» հարթակից»,- քննչական կոմիտեի դիմաց լրագրողների հետ զրույցում ասաց բողոքի ակցիայի մասնակից, ֆինանսական խարդախության զոհ դարձած քաղաքացին։
«Յուրաքանչյուրս հազարական դոլար ներդրել էինք, որպեսզի օգուտ ունենայինք։ «HelloBit»-ի մասին իմացել էինք մեր ծանոթ-բարեկամներից, որոնք ևս տուժել են։ Տելեգրամյան ալիքներ կային, որոնց միջոցով գալիս էին կոդեր։ Դրանք դնում էինք հավելվածի մեջ։ Հստակ ժամեր կային, մտնում էինք, կոդերը հավաքում էինք։ Օրինակ, եթե ներդնում էինք 10 դոլար, 5-6 դոլար շահույթ էինք ստանում։ Օրական մի 15 դոլար շահույթ էինք ունենում։ Երբ շահույթը մեծանում էր, արդեն 10-ի փոխարեն ներդնում էինք 15 դոլար»,- պատմեց քաղաքացին։
Սկզբում կարողացել են գումար կանխիկացնել, բայց հետո չի ստացվել։
«Երբ սկսեցին նորություններ տարածվել, որ չեն կարողանում գումար կանխիկացնել, մենք ևս փորձեցինք, չստացվեց ու իմացանք, որ արդեն ամեն ինչ կորցրել ենք»,- ասաց քաղաքացին։
Հիշեցնենք՝ ՔԿ-ի մոտ բողոքի ակցիա են իրականացնում կեղծ ներդրումային և ֆինանսական խարդախությունների զոհ դարձած քաղաքացիները։ Նրանք պահանջում են ներկայացնել կոնկրետ օր և հստակ ժամկետ, թե երբ և ինչ մեխանիզմներով են վերադարձվելու քաղաքացիների կորցրած գումարները։ Քաղաքացիները նստացույց են հայտարարել։
Մանրամասները՝ տեսանյութում։
