28.04.2026 | 12:24
Բելգորոդում ուկրաինական ԱԹՍ-ների հարձակումների հետևանքով 3 մարդ է զոհվել
22 վագոն ադրբեջանական ծագման բենզինը Հայաստան-Վրաստան սահմանն է հատում. Գևորգ Պապոյան
Հասարակություն
19.12.2025 | 13:37
Այս րոպեներին Հայաստան-Վրաստան սահմանն է հատում (Այրում կայարան) 1300 տոննա ծավալով 22 վագոն ադրբեջանական ծագման A95 բենզինը, որը Հայաստան է եկել Ադրբեջան-Վրաստան-Հայաստան երկաթգծով։ Այս մասին հայտնել է Էկոնոմիկայի նախարար Գևորգ Պապոյանը։
«Թերևս, սա ոչ միայն Հայաստանի և Ադրբեջանի միջև հաստատված խաղաղությունից հետո, այլև, առհասարակ, անկախությունից հետո Հայաստանի և Ադրբեջանի միջև առաջին առևտրատնտեսական գործարքն է»,- ֆեյսբուքյան իր էջում գրել է Պապոյանը։
Ավելի վաղ հայտնել էինք, որ Հայաստանի և Ադրբեջանի միջև խաղաղության օրակարգին համապատասխան՝ Ադրբեջանից Հայաստան նավթամթերքի արտահանումը դեկտեմբերի 18-ին սկսվելու է։ Այս մասին գրել են ադրբեջանական լրատվամիջոցները։
Նոյեմբերի 28-ին Գաբալա քաղաքում Ադրբեջանի փոխվարչապետ Շահին Մուստաֆաևի և Հայաստանի փոխվարչապետ Մհեր Գրիգորյանի միջև հանդիպման ժամանակ ձեռք բերված պայմանավորվածության համաձայն՝ այսօր կուղարկվի SOCAR-ի կողմից արտադրված AI-95 բենզինի 22 վագոն։
Նշվում է, որ ադրբեջանական նավթամթերքի արտահանումը Հայաստան զուտ առևտրային բնույթ ունի, և բենզինը կվաճառվի միջազգային շուկայական գներին համապատասխան։
