08.06.2026 | 23:25
24 ժամ ջուր չի լինի Կոտայքի մարզի մի շարք հասցեներում
Այսօր Ադրբեջանից Հայաստան կառաքվի բենզինի առաջին խմբաքանակը
Քաղաքականություն
18.12.2025 | 11:42
Հայաստանի և Ադրբեջանի միջև խաղաղության օրակարգին համապատասխան՝ Ադրբեջանից Հայաստան նավթամթերքի արտահանումը կսկսվի դեկտեմբերի 18-ին, գրում են ադրբեջանական լրատվամիջոցները։
Նոյեմբերի 28-ին Գաբալա քաղաքում Ադրբեջանի փոխվարչապետ Շահին Մուստաֆաևի և Հայաստանի փոխվարչապետ Մհեր Գրիգորյանի միջև հանդիպման ժամանակ ձեռք բերված պայմանավորվածության համաձայն՝ այսօր կուղարկվի SOCAR-ի կողմից արտադրված AI-95 բենզինի 22 վագոն։
Նշվում է, որ ադրբեջանական նավթամթերքի արտահանումը Հայաստան զուտ առևտրային բնույթ ունի, և բենզինը կվաճառվի միջազգային շուկայական գներին համապատասխան։
Ըստ ադրբեջանական լրատվամիջոցների՝ սա հստակ ցույց է տալիս, որ խաղաղության օրակարգը միայն հռչակագրային չէ, այլ գործնականում իրականացվում է։ Ադրբեջանական նավթամթերքի արտահանումը Հայաստան արտացոլում է խաղաղության գործընթացից տնտեսական դիվիդենտների հայեցակարգը և կարևոր քայլ է երկու երկրների միջև տնտեսական և առևտրային կապերի հաստատման ուղղությամբ։ Սա նաև կնպաստի տարածաշրջանում տնտեսական և առևտրային հարաբերությունների զարգացմանը և երկրների միջև կապերի ընդլայնմանը ապագայում։
Ավելի վաղ հաղորդվել էր, որ Վրաստանը կթույլատրի Ադրբեջանից Հայաստան վառելիքի մեկանգամյա անվճար փոխադրումը։
Թարգմանությունը՝ Էմմա Չոբանյանի
