01.10.2026 | 12:57
Նոր Արտագերսում առանց թույլտվության ավազ են արդյունահանել․ պետությանը պատճառված վնասից 25.7 մլն դրամը վերականգնվել է
Հայտնի է դարձել՝ ինչու Զիդանը չի գլխավորի «Ռեալը»
19.12.2025 | 12:25
Ֆրանսիացի լեգենդար ֆուտբոլիստ Զինեդին Զիդանը չի գլխավորի Մադրիդի «Ռեալը»։ Վերջին շրջանում լուրեր էին շրջանառվում, որ իսպանացի Չաբի Ալոնսոն մոտ է «Արքայական ակումբից» հեռացվելուն, իսկ 53-ամյա Զիդանը նրան փոխարինելու գլխավոր հավակնորդն է։
Հանրահայտ ինսայդեր Ֆաբրիցիո Ռոմանոն սոցցանցերում հայտնել է, որ Զիդանն այժմ կենտրոնացած է Ֆրանսիայի ազգային հավաքականում աշխատանքի անցնելու վրա։ ԱԱ-2026-ից հետո նա փոխարինելու է Դիդյե Դեշամին։ Ըստ աղբյուրի՝ Զիդանն ու Ֆրանսիայի ֆուտբոլի ֆեդերացիան ունեն բանավոր պայմանավորվածություն։
Ֆրանսիացի մասնագետը «Ռեալը» գլխավորել է 2 անգամ՝ 2016-2018 և 2019-2021 թթ։ 2021 թվականից նա գործազուրկ է։
