12.01.2026 | 15:40
Արդարադատության ոլորտում որոշակի առաջընթաց ունենք․ ԲԴԽ անդամ․ ՏԵՍԱՆՅՈՒԹ
Ուկրաինական ԱԹՍ-ները հարվածել են Դոնի Ռոստովի նավահանգստին. կան զոհեր ու վիրավորներ. ՏԵՍԱՆՅՈՒԹ
Քաղաքականություն
18.12.2025 | 11:52
Ուկրաինան լույս դեկտեմբերի 18-ի գիշերն անօդաչու թռչող սարքերով հարձակումներ է իրականացրել Դոնի Ռոստովի, Բատայսկի և Տագանրոգի վրա, հայտնել է Ռոստովի մարզի նահանգապետ Յուրի Սլյուսարը, գրում է Meduza-ն։
Նրա խոսքով՝ Ռոստովի նավահանգստի վրա հարձակման հետևանքով բեռնատար նավ է հրդեհվել։ Նավի անձնակազմի երկու անդամ զոհվել է, ևս երեքը՝ վիրավորվել։ Հրդեհն ընդգրկել է 20 քառակուսի մետր տարածք։ Քաղաքի արևմտյան մասում գտնվող բազմահարկ շենքերից մեկը նույնպես վնասվել է, սակայն ոչ ոք չի տուժել։
Բատայսկում անօդաչու թռչող սարքի հարձակման հետևանքով վիրավորվել է յոթ մարդ, որոնցից երեքը հոսպիտալացվել են։ Մեկ մարդ մահացել է։ Astra-ն հաղորդում է, որ Բատայսկում անօդաչու թռչող սարքի հարձակումից հետո բնակելի շենք է հրդեհվել։
Ռուսաստանի պաշտպանության նախարարությունը հայտնել է, որ դեկտեմբերի 17-ի երեկոյից ի վեր ՀՕՊ համակարգերը խոցել են ուկրաինական 77 անօդաչու թռչող սարք։ Նշվում է, որ Ռոստովի մարզում ոչնչացվել է երեք անօդաչու թռչող սարք։
Թարգմանությունը՝ Էմմա Չոբանյանի
