Վճարովի բովանդակություն
Եթե ամանորյա գնումները ցանկանում եք անել մեկ վայրում՝ հատուկ առաջարկներով ու զեղչերով, ապա «Մերիդիան» էքսպո կենտրոնում արդեն բաց է տարվա ամենասպասված Big Christmas Market with Coca-Cola ցուցահանդես-տոնավաճառը։ 5-րդ տարին անընդմեջ Big Projects ընկերությունը մեկ հարկի տակ է հավաքում 100-ավոր ընկերությունների։
Ցուցահանդես-տոնավաճառում կարելի է գտնել ամեն ինչ՝ տոնական սեղանի համար անհրաժեշտ ապրանքներից մինչև ձեռագործ աշխատանքներ, խնամքի պարագաներ, սնունդ, հագուստ և խաղալիքներ։ «Big Christmas Market with Coca-Cola»-ն բացառիկ ցուցահանդես է, որտեղ բիզնեսը հանդիպում է հաճախորդին։
Էքսպոյի մուտքն ազատ է․ Հանրապետության հրապարակից դեպի Մերիդիան և հակառակ ուղղություններով գործում են անվճար փոխադրամիջոցներ։ Ցուցահանդեսը բաց է ժամը 12:00-ից մինչև 23։00-ը։ Համակազմակերպիչը «Կոկա-Կոլա ՀԲՔ Արմենիա» ընկերությունն է։
«Մեր արշավի գաղափարախոսությունն այս տարի շարունակում է մնալ նույնը՝ աշխարհին շատ Սանտաներ են պետք, և մենք հավատում ենք, որ մեզանից յուրաքանչյուրի մեջ ապրում է Սանտա: Վաղը՝ 20։00-ին, բոլորին հրավիրում ենք մեր տաղավար, որովհետև լինելու է կուլմինացիոն մի միջոցառում»,- ասում է «Կոկա-Կոլա ՀԲՔ Արմենիա» ընկերության Հայաստան, Ուկրաինա և Մոլդովա ապրանքատեսականու ինտեգրման ղեկավար Արմինե Ղազարյանը։
Ընկերությունը ներկայանում է երեք տաղավարով՝ «Կոկա-կոլա», «Դոբրի» և «Շվեփս Ֆինլանդիա», որն առաջարկում է համեղ կոկտեյլներ տոնական սեղանի համար:
Coca-Cola-ի տաղավարն ամենահետաքրքիրներից է․ կարելի է լուսանկարվել, նամակ գրել Սանտային, ապա հանդիպել նրան, լսել բարեմաղթանքներ և ստանալ խորհրդանշական նվերներ։
Big Christmas Market-ում արդեն 4 տարի հովանավորի կարգավիճակ ունեցող Idram&IDBank-ն առաջարկում է քեշբեքներ, IDPlus նվեր-քարտեր, IDCoin-ներ։ Վճարելով Idram&IDBank հավելվածի QR-ով՝ հնարավորություն կունենանք կուտակել 10 հազար դրամ։
«IDCoin-ները հնարավորություն կա կուտակելու էքսպոյի շրջանակներում, բայց օգտագործումը հնարավոր է ինչպես էքսպոյի տարածքում՝ վաճառակետերում, այնպես էլ դրսում՝ այլ գործարքների համար»,- նշում է Idram&IDBank-ի մարքեթինգի ղեկավար Տաթևիկ Հովհաննիսյանը։
Idram&IDBank-ով QR վճարումներ կատարելիս նաև կարող եք ապրանքատեսակը կամ ծառայությունը տեղում ստանալ, բայց վճարել հետո․ այսինքն՝ Rocket Line թվային ապառիկով։
Նախորդ տարի ցուցահանդես-տոնավաճառն ունեցել է շուրջ 40,000 այցելու, և այս տարի սպասելիքներն ավելի մեծ են։ «Մերիդիան էքսպո» կենտրոնում տոնական երաժշտությունն ու լույսերը ստեղծում են ջերմ մթնոլորտ և հնարավորություն տալիս զգալ Ամանորի իրական շունչը։
Մանրամասները՝ տեսանյութում։
Արփի Հակոբյան
