19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Արա Բաբլոյանն ընտրություններին չի մասնակցելու. հայտնի է, թե ինչով է զբաղվելու
Քաղաքականություն
05.11.2018 | 13:42
Factor.am-ի տեղեկություններով՝ ԱԺ նախագահ Արա Բաբլոյանը չի մասնակցելու դեկտեմբերի 9-ին կայանալիք Ազգային ժողովի արտահերթ ընտրություններին: Մեր աղբյուրների փոխանցմամբ՝ նա որոշել է վերադառնալ առողջապահական համակարգ և այնտեղ շարունակել իր մասնագիտական գործունեությունը:
Մեր տեղեկությունները պաշտոնապես հաստատեցին նաև Ազգային ժողովից: Հարցին՝ Արա Բաբլոյանը լինելու՞ է ՀՀԿ-ի համամասնական կամ ռեյտինգային ցուցակներում, ԱԺ աշխատակազմի ղեկավարի տեղակալ Արսեն Բաբայանը պատասխանեց.
«Այս պահին իմ ունեցած տեղեկություններով՝ պարոն Բաբլոյանը ամբողջությամբ վերադառնում է առողջապահություն, բժշկություն և չի պլանավորում առաջադրվել որևէ ձևաչափով»:
Նշենք, որ Արա Բաբլոյանը մասնագիտությամբ մանկաբույժ է: Նրան է պատկանում «Արաբկիր» մանկական բժշկական կենտրոնը: Բաբլոյանը ԱԺ նախագահ է ընտրվել 2017 թվականի մայիսի 18-ին: Պաշտոնավարեց 1,5 տարի:
Նշենք, որ Բաբլոյանը մինչև 7-րդ գումարման խորհրդարանի ձևավորումն ու առաջին նիստը կշարունակի իրականացնել ԱԺ նախագահի պարտականությունները, քանի որ օրեքով նրա լիազորությունները պահպանվել են, թեև ԱԺ-ն նոյեմբերի 1-ին իրավունքի ուժով արձակվեց:
5-րդ գումարման Աժ-ում եղել է ԱԺ առողջապահության, մայրության և մանկության հարցերի մշտական հանձնաժողովի նախագահ:
Հայկ Վարդանյան
