16.03.2026 | 00:04
Ըմբիշ Սուրեն Աղաջանյանը դարձել է Եվրոպայի Մ-23 չեմպիոն․ ՏԵՍԱՆՅՈՒԹ
Մեսիի տրանսֆերային արժեքը նվազել է
12.12.2025 | 14:41
MLS-ի չեմպիոնի տիտղոսը նվաճած ամերիկյան «Ինտեր Մայամիի» հարձակվող Լիոնել Մեսիի տրանսֆերային արժեքը նվազել է 3 միլիոն եվրոյով։
Transfermarkt-ում հերթական թարմացումից հետո աշխարհի չեմպիոն Արգենտինայի հավաքականի ավագի տրանսֆերային գինը կազմում է 15 միլիոն եվրո։ Կարիերայի ընթացքում 38-ամյա արգենտինացու ամենաբարձր տրանսֆերային գինը եղել է 180 միլիոն եվրո (2018 թվականին)։
MLS-ի ամենաթանկ ֆուտբոլիստն ամերիկյան «Լոս Անջելեսի» իսպանացի կիսապաշտպան Ռիկի Պուչն է, որի տրանսֆերային արժեքը գնահատվում է 18 միլիոն եվրո։
MLS-ի ավարտված մրցաշրջանում Լիոնել Մեսին մասնակցել էր 34 հանդիպման, դարձել 35 գոլի ու 23 գոլային փոխանցման հեղինակ։ Նա երկրորդ տարին անընդմեջ ճանաչվել էր MLS-ի մրցաշրջանի ամենաարժեքավոր ֆուտբոլիստ (MVP)։ Օրեր առաջ «Ոսկե գնդակի» 8-ակի դափնեկիրն «Ինտեր Մայամիի» կազմում առաջին անգամ դարձել էր MLS-ի չեմպիոն՝ նվաճելով կարիերայի 48-րդ տիտղոսը, ինչը համաշխարհային ռեկորդ է։
