Քաղաքականություն
02.11.2018 | 20:09
Թուրքիայում տեղական միջոցներով իրականացված «Atmaca» թևավոր հրթիռների նախագիծը մուտք կգործի սերիական արտադրության փուլ։ Թուրքիայի պաշտպանական արդյունաբերության վարչության (SSB) և «Roketsan» ռազմարդյունաբերական ընկերության միջև համապատասխան պայմանագիր է ստորագրվել։ Հրթիռային համակարգի որոշ բաղադրիչներ, սարքավորումներ ու պահեստամասեր կարտադրվեն թուրքական «Aselsan» ընկերության կողմից. փոխանցում է ermenihaber-ը:
Թուրքական մամուլի տեղեկացմամբ՝ «Atmaca»-ն Թուրքիայի սեփական միջոցներով արտադրված առաջին ծովային բազավորման հրթիռն է։ Հայտնի է, որ այն կտեղադրվի «Milgem» («Ազգային նավ») նախագծի շրջանակում արտադրված ռազմանավերի վրա։ Հրթիռի սերիական արտադրությանն անցումը պայմանավորված է այն հանգամանքով, որ երկիրը «նավից նավ» թևավոր հրթիռների կարիք ունի։
