02.03.2026 | 13:20
Բարձր արտադրողականությամբ արհեստական բանականության սարքավորումների առաջին խմբաքանակն արդեն Հայաստանում է. Մխիթար Հայրապետյան
ՀԱՊԿ նոր գլխավոր քարտուղարի հարցը կարող է քննարկվել Աստանայի գագաթնաժողովի ընթացքում. Սեմերիկով
Քաղաքականություն
02.11.2018 | 17:17
ՀԱՊԿ նոր գլխավոր քարտուղարի հարցը կարող է քննարկվել Աստանայում հաջորդ շաբաթ անցկացվելիք գագաթնաժողովի ընթացքում: ՌԻԱ Նովոստիի փոխանցմամբ՝ այս մասին ասել է ՀԱՊԿ գլխավոր քարտուղարի ժամանակավոր պաշտոնակատար Վալերի Սեմերիկովը:
«Չեմ բացառում, որ այդ հարցը քննարկվի գագաթնաժողովի ընթացքում»,- ասել է նա:
Սեմերիկովը նաև պարզաբանել է, որ Յուրի Խաչատուրովն ազատվել է պաշտոնից, քանի որ Հայաստանը հետ է կանչել նրա թեկնածությունը:
«Հայկական կողմը նախաձեռնել է Յուրի Գրիգորևիչին գլխավոր քարտուղարի պաշտոնից հետկանչը: Նրանք են առաջադրել, նրանք էլ հետ են կանչել»,- ասել է Վալերի Սեմերիկովը:
Նա չի բացառել, որ նոյեմբերի 8-ին կայանալիք գագաթնաժողովի ընթացքում ՀԱՊԿ անդամ պետությունների ղեկավարները կքննարկեն նաև, թե ո՞ր երկրի ներկայացուցիչը կլինի Կազմակերպության հաջորդ գլխավոր քարտուղարը:
