18.10.2026 | 20:17
«Մեր նպատակը նոր խոստումներ տալը չէ, այլ ստանձնած պարտավորությունները կատարելը»․ Մաթևոսյան․ ՏԵՍԱՆՅՈւԹ
ԼՂ հակամարտությունն առաջին հերթին վերաբերում է արցախցիների ֆիզիկական անվտանգությանը. Զ.Մնացականյան
Քաղաքականություն
02.11.2018 | 16:41
Հայաստանի դիրքորոշում մեջ շեշտադրվում է Ղարաբաղի անվտանգության և կարգավիճակի գերակայությունը, ինչպես նաև այն մոտեցումը, որ Լեռնային Ղարաբաղը հակամարտության կարգավորման գործընթացքում ունի որոշիչ ձայն և ներգրավվածություն: Այս մասին այսօր՝ նոյեմբերի 2-ին, ՀՀ Ազգային ժողովում 2019 թվականի պետական բյուջեի քննարկման ժամանակ հայտարարեց ԱԳ նախարարի պաշտոնակատար Զոհրաբ Մնացականյանը՝ պատասխանելով ՀՀԿ-ական պատգամավոր Արմեն Աշոտյանի հարցին:
«Մենք արտահայտել ենք Հայաստանի գերակայությունները ԼՂ խաղաղ կարգավորման գործընթացի առնչությամբ, որոնք արտահայտում են հակամարտության՝ բացառապես խաղաղ ճանապարհով լուծումը, բացառապես ՄԽ համանախագահության շրջանակում: Հայաստանի դիրքորոշումների առումով շեշտադրվում է Ղարաբաղի անվտանգության և կարգավիճակի գերակայությունը, ինչպես նաև այն մոտեցումը, որ Լեռնային Ղարաբաղը հակամարտության կարգավորման գործընթացքում ունի որոշիչ ձայն և ներգրավվածություն: Այս շրջանակում ենք մենք տեղավորում մեր աշխատանքը»,- նշեց ԱԳ նախարարի պաշտոնակատարը:
Զոհրաբ Մնացականյանն ընդգծեց, որ առավելապես կարևորվում են բոլոր այն քայլերը, որոնք վերաբերում են էսկալացիայի բացառմանը. սա է անմիջական նպատակն այս փուլի: «Ընդգծելով անվտանգության և ստատուսի խնդիրը՝ մենք ընդգծում ենք այն, որ ԼՂ հակամարտությունն առաջին հերթին վերաբերում է կոնկրետ մարդկանց անվտանգությանը, կոնկրետ 150.000 մարդկանց ֆիզիկական անվտանգությանը: Եվ այդ կոնտեքստում է, որ առաջնայնություն է տրվում ստատուսի խնդրին»,- հավելեց Մնացականյանը:
Մանրամասները՝ տեսանյութում:
